وزیر اعلیٰ پنجاب سردار عثمان بزدار نے کہا ہے کہ نشاط احمد خان ڈاہا سے دیرینہ تعلق اور احترام کا رشتہ تھا۔

تفصیلات کے مطابق وزیر اعلیٰ پنجاب سردار عثمان بزدار نے سماجی رابطے کی ویب سائٹ ٹوئٹر پر اپنے جاری کردہ ایک پیغام میں کہا کہ رکن پنجاب اسمبلی نشاط احمد ڈاہا صاحب کے انتقال پر دلی رنج ہوا ہے، ڈاہا صاحب سے دیرینہ تعلق اور احترام کا رشتہ تھا۔

رکن پنجاب اسمبلی نشاط احمد ڈاہا صاحب کے انتقال پر دلی رنج ہوا- ڈاہا صاحب سے دیرینہ تعلق اور احترام کا رشتہ تھا-
اللہ تعالیٰ مرحوم کی مغفرت فرمائیں اور سوگواران کو صبر جمیل عطا فرمائیں-

Advertisement

— Usman Buzdar (@UsmanAKBuzdar) October 23, 2021

سردار عثمان بزدار کا کہنا تھا کہ اللہ تعالیٰ مرحوم کی مغفرت فرمائیں اور سوگواران کو صبرِ جمیل عطا فرمائیں۔

واضح رہے کہ مسلم لیگ ن کے باغی ایم پی اے نشاط احمد خان ڈاہا آج سوگواران میں ایک بیوہ اور بیٹی کو چھوڑ کر خالق حقیقی سے جا ملے ہیں، ایم پی اے نشاط ڈاہا کا انتقال ان کی

رہائش گاہ پر ہوا ہے۔
یاد رہے کہ نشاط احمد خان 2018 میں ن لیگ کے ٹکٹ پر کامیاب ہوئے اور بعد میں فارورڈ بلاک کا حصہ بنے، مرحوم تین مرتبہ ایم پی اے اور ایک مرتبہ تحصیل ناظم رہ چکے ہیں، نشاط احمد خان ڈاہا 2008 میں پیپلز پارٹی سے، 2013 میں ن لیگ اور 2018 میں ن لیگ

کے ٹکٹ پر ایم پی اے منتخب ہوئے تھے۔