پیپلز پارٹی نے گیس بحران اور ایل این جی معاہدوں کی تحقیقات کا مطالبہ کردیا ہے۔
سینیٹ قائمہ کمیٹی برائے منصوبہ بندی کے چیئرمین سینیٹر سلیم مانڈوی والا نے کہا ہے کہ سردیاں آتے ہی ملک میں گیس کا بحران شدت اختیار کر چکا ہے، حکومت نے سینیٹ کے فلور پر کھانے کے اوقات میں گیس فراہم کرنے کی یقین دہانی کرائی تھی۔
ان کا کہنا تھا کہ حکومت تین وقت کی روٹی پکانے کے لئے بھی گیس فراہم کرنے میں ناکام ہو چکی ہے، حکومت نے عوام کو ریلیف دینے کی بجائے گیس فراہمی کی سہولت تک چھین لی ہے۔
انہوں نے کہا کہ ایل این جی معاہدوں کا اصل ذمہ دار کون ہے؟ حکومتی وزراء سردیوں سے قبل بحران کا خدشہ ظاہر کرتے رہے لیکن کوئی انتظامات نہیں کیئے، تحقیقات کی جائیں کہ گیس بحران کا علم ہونے کے باوجود بحران سے نمٹنے کے لئے انتظامات کیوں نہیں کئے گئے۔
سلیم مانڈوی والا کا کہنا تھا کہ تحقیقات کی جائیں کہ گیس بحران کا علم ہونے کے باوجود بحران سے نمٹنے کے لئے انتظامات کیوں نہیں کئے گئے، حکومت اتنی بے حس ہو چکی ہے کہ عوام کی مشکلات کا کوئی احساس ہی نہیں رہا۔
Advertisement
سینیٹ قائمہ کمیٹی برائے منصوبہ بندی کے چیئرمین سینیٹر سلیم مانڈوی والا نے مزید کہا کہ حکومت فوری طور پر عوام کو گیس کی فراہمی کو یقینی بنائے۔
Advertisement
Advertisement
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News
Advertisement
