چیف آف دی نیول اسٹاف انٹرنیشنل اسکواش چیمپیئن شپ کا آغاز

تنزیلہ قریشی

02nd Nov, 2021. 04:30 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

چیف آف دی نیول اسٹاف انٹرنیشنل اسکواش چیمپیئن شپ کا آغاز

15 ویں چیف آف دی نیول اسٹاف انٹرنیشنل اسکواش چیمپیئن شپ کا کراچی میں آغاز ہوگیا ہے۔

پاک بحریہ کے زیرِ اہتمام چیمپیئن شپ کی افتتاحی تقریب ہوئی جس میں کمانڈر پاکستان فلیٹ وائس ایڈمرل اویس احمد بلگرامی مہمان خصوصی تھے۔

ترجمان پاک بحریہ کے مطابق چیمپیئن شپ میں 9 مقامی اور 15 غیر ملکی کھلاڑی شرکت کر رہے ہیں، غیر ملکی کھلاڑیوں کا تعلق مصر، ہانگ کانگ، کویت اور امریکہ سے ہے، چیمپیئن شپ کا افتتاحی میچ ہانگ کانگ کے میکس لی اور پاکستان کے ظاہر شاہ کے مابین کھیلا گیا جس کے فاتح میکس لی رہے۔

ترجمان پاک بحریہ نے کہا کہ چیمپئین شپ کے پہلے روز 8 میچ کھیلے جائیں گے، چیمپیئن شپ کی افتتاحی تقریب میں سول ملٹری معززین، اسپانسرز اور اسکواش کے سینئیر کھلاڑی شریک تھے۔