خدمتِ خلق سے بڑھ کر کوئی چیز نہیں، اسلم اقبال

تنزیلہ قریشی

08th Nov, 2021. 02:30 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

خدمتِ خلق سے بڑھ کر کوئی چیز نہیں، اسلم اقبال

صوبائی وزیر صنعت و تجارت میاں اسلم اقبال نے کہا ہے کہ خدمتِ خلق سے بڑھ کر کوئی چیز نہیں۔

میاں اسلم اقبال نے اپنے جاری کردہ ایک بیان میں کہا کہ لوگوں کے مہنگائی کے حوالے سے شکوے، اشیائے خورونوش کی قیمتیں آسمان سے باتیں کر رہی ہیں، لوگوں کی زیادہ تر شکایات بجلی، گیس، واسا، پولیس، تعلیم اور صحت سمیت دیگر محکموں سے متعلقہ تھیں۔

انہوں نے کہا کہ عوام کے ساتھ رہ کر ہی ان کی بہتر انداز میں خدمت کی جا سکتی ہے، خدمتِ خلق سے بڑھ کر کوئی چیز نہیں، جب تک دم میں دم ہے عوام کی خدمت کرتا رہوں گا۔

صوبائی وزیر صنعت و تجارت کا کہنا تھا کہ اپوزیشن کی انتشار پھیلانے کی سیاست ملک کی ترقی کے لئے زہر قاتل ہے، سیاسی بے روزگاروں کو اقتدار سے دوری تڑپا رہی ہے، 2023 کے انتخابات میں عوام کرپٹ ٹولے کی سیاست ہمیشہ کے لئے دفن کر دیں گے۔

انہوں نے کہا کہ معاشی استحکام کے لئے مشکل فیصلے بھی کرنے پڑے ہیں، غریب گھرانوں کی مشکلات میں کمی لانے کے لئے زبردست فوڈ ریلیف پیکیج دیا گیا ہے۔

صوبائی وزیر صنعت و تجارت میاں اسلم اقبال کا مزید کہنا تھا کہ وفاق اور پنجاب کے مشترکہ ریلیف پیکیج سے 13 کروڑ غریب لوگ فائدہ اٹھائیں گے، عارضی معاشی مشکلات جلد ختم ہو جائیں گی۔