اسپیکر آئین اور قانون کے مطابق اپنے اختیارات کا استعمال کریں، خواجہ آصف

تنزیلہ قریشی

08th Nov, 2021. 07:45 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

اسپیکر آئین اور قانون کے مطابق اپنے اختیارات کا استعمال کریں، خواجہ آصف

پاکستان مسلم لیگ ن کے رہنما خواجہ محمد آصف نے کہا ہے کہ اسپیکر آئین اور قانون کے مطابق اپنے اختیارات کا استعمال کریں۔

پینل آف چیئرمین کے رکن امجد خان نیازی کی زیرِ صدارت قومی اسمبلی کا اجلاس ہوا جس میں خواجہ محمد آصف نے اظہارِ خیال کرتے ہوئے کہا کہ الیکشن کمیشن ممبران کی تعیناتی کیلئے کمیٹی کے حوالے سے قانون واضح ہے، آئین کے تحت کمیٹی ممبران منتخب کرنے کا اختیار اسپیکر قومی اسمبلی کا ہے۔

خواجہ محمد آصف کا کہنا تھا کہ کمیٹی میں سینیٹ اور قومی اسمبلی سے برابر نمائندگی دی جاتی ہے، چیئرمین سینیٹ کمیٹی ارکان کی نامزدگی نہیں کرسکتے، اسپیکر آئین اور قانون کے مطابق اپنے اختیارات کا استعمال کریں۔

انہوں نے کہا کہ ایوان زیریں کے ارکان براہ راست عوام کے ووٹوں سے منتخب ہو کر آتے ہیں، سینیٹ کا احترام ہے لیکن قومی اسمبلی کے اختیارات ہیں، پبلک اکاؤنٹس کمیٹی میں سینیٹ ارکان کو شامل کرنا بھی آئین کے خلاف ہے۔

پاکستان مسلم لیگ ن کے رہنما خواجہ محمد آصف کا مزید کہنا تھا کہ پارلیمانی کمیٹی میں پی ٹی آئی، ن لیگ اور پیپلز پارٹی کی نمائندگی کم کر دی گئی جبکہ چھوٹی سیاسی جماعتوں کو پارلیمانی کمیٹی میں نمائندگی دی گئی اس ایوان سے ریلیف نہیں ملے گا تو دوسرے دروازے کھٹکھٹانے پڑیں گے۔