پاکستان تحریک انصاف کی رکن قومی اسمبلی عالیہ حمزہ ملک نے عاصمہ جہانگیر فاؤنڈیشن کی فنڈنگ پر سوال اٹھا دیا ہے۔
بول نیوز کے مطابق پارلیمانی سیکرٹری کامرس عالیہ حمزہ ملک نے اسپیکر قومی اسمبلی اور چیئرمین قائمہ کمیٹی اقتصادی امور کو خط لکھا ہے جس میں انہوں نے عاصمہ جہانگیر فاؤنڈیشن کی فنڈنگ پر سوال اٹھایا ہے۔
عالیہ حمزہ ملک نے اپنے خط میں کہا ہے کہ لاہور میں گزشتہ دنوں عاصمہ جہانگیر کانفرنس میں چیف جسٹس پاکستان جسٹس گلزار احمد کے خلاف نعرے لگے ، ان کی تضحیک کی گئی جب کہ ملک کی سب سے بڑی عدالت سے سزا یافتہ اور مفرور کو مہمان خصوصی بنایا گیا۔
اپنے خط میں عالیہ حمزہ ملک نے مزید کہا کہ عاصمہ جہانگیر کانفرنس میں پاکستان اور پاکستان کے اداروں کو گالیاں دیں گئیں، کمیٹی عاصمہ جہانگیر فاونڈیشن کے فنڈز کے ذرائع کی تحقیقات کرے۔
واضح رہے کہ چند روز قبل لاہور میں عاصمہ جہانگیر کانفرنس کا انعقاد کیا گیا تھا، جس میں چیف جستس پاکستان سمیر اعلیٰ عدلیہ کے معزز جج صاحبان، اہم سیاسی رہنماؤں اور سماجی شخصیات نے خطاب کئے تھے، تقریب میں مسلم لیگ (ن) کے قائد نواز شریف نے لندن سے وڈیو لنک پر خطاب کیا تھا۔
Advertisement
Advertisement
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News
Advertisement
