عوام حکومت کے خلاف بغاوت کردیں، مولانا فضل الرحمان

ویب ڈیسک

20th Nov, 2021. 06:02 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

عوام حکومت کے خلاف بغاوت کردیں، مولانا فضل الرحمان

پی ڈی ایم کے سربراہ اور جے یو آئی (ف) کے امیر مولانا فضل الرحمان نے کہا ہے کہ عوام حکومت کے خلاف بغاوت کردیں۔

پشاور میں احتجاجی مظاہرے سے خطاب کے دوران مولانا فضل الرحمن نے کہا کہ عمران خان سیاست کا غیر ضروری عنصر اور قوم پر مسلط ہیں، انہوں نے ملک کی معیشت اور تہذیب کو تباہ کیا، وہ لیڈر نہیں کٹھ پتلی ہےِ، جن لوگوں نے اسے مسلط کیا وہ اجتماعی توبہ کریں۔

مولانا فضل الرحمان نے کہا کہ فوجی عدالت سے سزا پانے والے کلبھوش کی رہائی کے لیے قانون سازی کی گئی، عمران خان کی حکومت نے آئین کی اسلامی حیثیت کوختم کرنے کی کوشش کی، ریاست مدینہ کے پردے کے پیچھے یہ نہیں چھپ سکتے، ہمارا مطالبہ بلدیاتی نہیں بلکہ عام انتخابات ہیں، ہم ان حکمرانوں کو رخصت کریں گےاور آئندہ نہیں آنے دیں گے۔ ہماری تحریک عمران خان حکومت کی رخصتی تک جاری رہے گی، جس سے ہم ایک انچ بھی پیچھے نہیں ہٹیں گے، کہ قوم کو ایسے حکمرانوں سے نجات دلانی چاہیے، عوام حکومت کے خلاف بغاوت کردیں

اس موقع پر مسلم لیگ (ن) کے رہنما اور سابق وزیراعظم شاہد خاقان عباسی نے کہا کہ پی ڈی ایم کی تحریک کا مقصد عوام کومہنگائی سے نجات دلانا ہے, پارلیمان میں قانون سازی کا مقصد عوام کو ریلیف دینا نہیں بلکہ بھارتی جاسوس کو این آراو دینا اور اگلا الیکشن چوری کرنا ہے۔