اگر نیوزی لینڈ افغانستان سے ہارا تو بہت شدید ردعمل آئے گا، شعیب اختر

تنزیلہ قریشی

07th Nov, 2021. 02:00 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

اگر نیوزی لینڈ افغانستان سے ہارا تو بہت شدید ردعمل آئے گا، شعیب اختر

قومی ٹیم کے سابق اسٹار فاسٹ بولر شعیب اختر نے کہا ہے کہ اگر نیوزی لینڈ افغانستان سے ہارا تو بہت شدید رد عمل آئے گا۔

فاسٹ بولر شعیب اختر نے نجی ٹی وی کے پروگرام میں گفتگو کے دوران کہا کہ بھارت فائنل میں آئے گا تو دوبارہ پھینٹا لگائیں گے، پوری پاکستانی قوم چاہتی ہے کہ ٹی ٹونٹی ورلڈ کپ کا فائنل بھارت سے ہو، 90 فیصد لوگ سوچتے ہیں بھارت اور افغانستان کا میچ فکسڈ تھا۔

انہوں نے دوران پروگرام اپنی نجی زندگی سے متعلق کہا کہ میری زندگی ایک کھلی کتاب ہے، میری بیگم میری دوست ہے، فون اس کے پاس ہوتا ہے۔

شعیب اختر نے کہا کہ سرکاری ٹی وی اور ڈاکٹر نعمان کو تنازع کی رات ہی چھوڑ دیا تھا۔

شعیب اختر نے کہا کہ میری والدہ ضعیف ہوگئی ہیں، اس لیے ان کے سبب شو میں کچھ نہیں کہا، میں نے سرکاری ٹی وی اور ڈاکٹر نعمان کو اسی رات چھوڑ دیا تھا۔

ان کا کہنا تھا کہ میں بیماری کی وجہ سے سرکاری ٹی وی کے شو میں نہیں جا پارہا تھا، میری والدہ بھی بیمار ہوگئی تھیں، جس کی وجہ سے نہیں جاسکا تھا۔

سابق فاسٹ بولر کا مزید کہنا تھا کہ مجھے اللّٰہ اور اْس کے رسول کو راضی کرنا ہے، بندوں کو نہیں، میں اپنی عوام کا بے حد شکر گزار ہوں جنہوں نے مجھے اتنا پیار دیا۔