مریم اورنگزیب نے پی ٹی آئی حکومت پر تنقید کرتے ہوئے کہاکہ عوام کو کچھ دے نہیں سکتے تو کم از کم اپنی زبان ہی بند رکھیں۔

پاکستان مسلم لیگ ن کی ترجمان مریم اورنگزیب نے سماجی رابطے کی ویب سائٹ ٹوئٹر پر جاری اپنی ٹوئٹ میں کہاکہ ٹوئٹ کرکے آٹے، چینی ،گیس، بجلی اور دوائی کی قیمت کم نہیں ہوگی ،عوام کی مفلسی اور بے بسی کا مذاق نہ اڑا یا جائے۔

— Marriyum Aurangzeb (@Marriyum_A) November 30, 2021

‎مسلم لیگی ترجمان نے کہاکہ آٹا چینی بجلی، گیس اور دوائی اب عمران مافیا کے جانے سے ہی سستی ہو گی۔

‎انہوں نے کہاکہ فواد صاحب جھوٹے ٹویٹ کرنے کے بجائے عمران صاحب سے کہیں کہ وزیراعظم آفس سے باہر نکلیں، باہر ملک بھر سے آئے تاجر احتجاج کر رہے ہیں۔

‎مریم اورنگزیب نے کہاکہ عمران صاحب باہر آئیں اور احتجاج کرنے والے اساتذہ کے مطالبات سنیں، پارلیمنٹ ہاؤس کے باہر موجود سرکاری ملازمین کے احتجاج کا جواب دیں۔

‎انہوں نے کہاکہ صنعت کار، مزدور، سرکاری ملازمین اور مظلوم عوام عمران صاحب کے ظلم کے خلاف سراپا احتجاج ہیں۔

واضح رہے کہ اس سے قبل وفاقی وزیر اطلاعات ونشریات فواد چوہدری نے سماجی رابطے کی ویب سائٹ ٹوئٹر پر جاری اپنی ٹوئٹ میں کہاکہ ٹیکسٹائل ایکسپورٹ 20 بلین ڈالر کے ہدف کے حصول کے قریب ہیں، چاول کی 9 ملین ٹن کی ریکارڈ فصل ہوئی، 4.75 ارب ڈالر کی ایکسپورٹ ہوگی۔

انہوں نے مزید کہاکہ چینی، ٹماٹر، پیاز کی قیمتیں مسلسل کم ہو رہی ہیں، میڈیا والے کہتے ہیں لوگ اچھی خبروں میں دلچسپی نہیں لیتے یہ اچھی منطق ہے۔

ٹیکسٹائل ایکسپورٹ 20 بلین ڈالر کے ہدف کے حصول کے قریب ہیں چاول کی 9 ملین ٹن کی ریکارڈ فصل ہوئ، 4.75 ارب ڈالر کی ایکسپورٹ ہوگی چینی، ٹماٹر، پیاز مسلسل قیمتیں کم ہو رہی ہیں مجال ہے کوئ اچھی خبر ہمارے میڈیا پر آجائے کہتے ہیں لوگ اچھی خبروں میں دلچسپی نہیں لیتے یہ اچھی منطق ہے۔— Ch Fawad Hussain (@fawadchaudhry) November 30, 2021

اس ٹوئٹ کے ساتھ ہی فواد چوہدری نے ایک اوراچھی خبرسناتے ہوئے لکھا کہ پاکستان ٹی ٹوئنٹی کے بعد ٹیسٹ میں بھی شاندار میچ جیت گیا الحمدللّٰہ پاکستان کی عالمی کرکٹ میں فتح یاب واپسی ایک بہت بڑی کامیابی ہے۔

اور پاکستان T-20 کے بعد ٹیسٹ میں بھی شاندار میچ جیت گیا الحمدللّٰہ پاکستان کی عالمی کرکٹ میں فتح یاب واپسی ایک بہت بڑی کامیابی ہے https://t.co/oB5cnIRrAB— Ch Fawad Hussain (@fawadchaudhry) November 30, 2021