مقبوضہ کشمیر: بھارتی فوجیوں نے تین کشمیری نوجوانوں کو شہید کردیا

سعدیہ شمیم

16th Nov, 2021. 01:29 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

مقبوضہ کشمیر: بھارتی فوجیوں نے تین کشمیری نوجوانوں کو شہید کردیا

غیر قانونی طور پر بھارت کے زیر قبضہ جموں و کشمیر میں بھارتی فوجیوں نے اپنی ریاستی دہشت گردی کی تازہ کارروائی کے دوران تین کشمیری تاجروں اور ایک ڈاکٹر کو سرینگر میں شہید کردیا ہے ۔

کشمیر میڈیا سروس کے مطابق بھارتی فوجیوں نے ایک دکاندار الطاف احمد بٹ، ایک پراپرٹی ڈیلر اور ایک ٹی اسٹال کے مالک کوسرینگر کے علاقے حیدرپورہ میں تلاشی اور محاصرے کی کارروائی کے دوران شہید کیا۔

اس حوالے سے شہید الطاف کے اہلخانہ کا کہنا ہے کہ اسے بھارتی فوجیوں نے بلااشتعال فائرنگ کر کے بہیمانہ طورپر شہید کیا، اہلخانہ نے الطاف کی میت کی واپسی کیلئے برزلہ میں احتجاجی مظاہرہ کیا۔

مظاہرین کا کہنا تھا کہ فوجی اہلکار بھارتی وزیر داخلہ امیت شاہ کے حالیہ مقبوضہ علاقے کے دورے کے دوران تیار کی گئی پالیسی کے تحت بے گناہ کشمیریوں کا قتل عام جاری رکھے ہوئے ہیں۔

واضح رہے کہ پالیسی کے تحت فوجیوں کو مقبوضہ علاقے میں بھارتی فوجیوں پر کسی بھی حملے کی صورت میں بے گناہ شہریوں کو نشانہ بنانے کی ہدایت کی گئی ہے ۔