وزیراعظم نے وفاقی کابینہ کا اجلاس منگل کو طلب کرلیا

تنزیلہ قریشی

06th Nov, 2021. 03:30 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

وزیراعظم نے وفاقی کابینہ کا اجلاس منگل کو طلب کرلیا

وزیر اعظم عمران خان نے وفاقی کابینہ کا اجلاس منگل کو طلب کرلیا ہے۔

کابینہ اجلاس میں ملکی سیاسی و معاشی صورتحال کا جائزہ لیا جائے گا، ‏ کابینہ قومی اسمبلی اجلاس میں اپوزیشن سے نمٹنے کی حکمت عملی طے کرے گی۔

کابینہ ارکان کو مہنگائی کی موجودہ صورتحال پر بریفنگ دی جائے گی، اسٹیبلشمنٹ ڈویژن کابینہ کو وزارتوں اور اداروں میں سی ای اوز اور ایم ڈیز کی خالی نشستوں پر بریفنگ دے گی۔

کابینہ آئی سی ٹی کریمنل پراسیکیوشن سروس ایکٹ 2021 کی منظوری دے گی، برآمدی سیکٹر کے لیے گیس اور آر ایل این جی کے ٹیرف پر نظر ثانی کابینہ ایجنڈے میں شامل ہے۔

کابینہ این ٹی ڈی سی ایل کے ایم ڈی کی تقرری میں عبوری توسیع کی منظوری دے گی، ٹیکس قانون میں تیسری ترمیم آرڈیننس 2021 کی منظوری بھی کابینہ ایجنڈے میں شامل ہے۔

کابینہ گلگت بلتستان اور آزاد کشمیر میں پی ٹی ڈی سی کی اراضی پرائیویٹ سیکٹر کو لیز پر دینے کی منظوری دے گی، کابینہ کمیٹی برائے ادارہ جاتی اصلاحات کے فیصلوں کی توثیق کابینہ ایجنڈے میں شامل ہے۔

کابینہ ای سی سی کے فیصلوں کی توثیق بھی کرے گی۔