بھارت میں چلتی ٹرین کی پٹری پر آنے والی خاتون کو معجزانہ طور پر نئی زندگی مل گئی۔

غیرملکی خبررساں ادارے کی رپورٹ کے مطابق بھارتی ریاست ممبئی میں خاتون ٹرین پر چڑھنے کے دوران ٹریک کے نیچے آنے سے بال بال بچ گئی، خاتون پولیس اہلکار نے بھاگ کر خاتون کی جان بچالی۔

پولیس کانسٹیبل سپنا گولکر اتوار کی رات ممبئی کے بائیکلا ریلوے اسٹیشن پر ڈیوٹی پر تھیں جب اس نے مسافر کو توازن بگڑنے پر ٹرین کے نیچے آتے دیکھا تو فوری طور پر خاتون کی مدد کے لیے پہنچی اور اسے چلتی ٹرین کے نیچے آنے سے بچالیا۔

ویڈیو میں دیکھا جا سکتا ہے کہ کانسٹیبل گولکر کے علاوہ پلیٹ فارم پر موجود چند دوسرے لوگ بھی اس کی مدد کے لیے پہنچ گئے، مسافر، جو ممبئی کی لوکل ٹرین میں چڑھنے کی کوشش میں گر گیا، چند لمحوں کے بعد اٹھتے ہوئے دیکھا گیا، بظاہر کوئی شدید زخمی نہیں ہوا۔

Advertisement

भायखला रेलवे स्टेशन PF-01 पर एक 40 वर्ष महिला करीबन 20:03 बजे चलती लोकल ट्रेन में चढने का प्रयास करते समय संतुलन बिगङने के कारण चलती लोकल से गिरते समय स्टेशन पर तैनात ऑन डियुटी महिला आरक्षक सपना गोलकर द्वारा उक्त महिला यात्री की जान बजाकर सराहनीय कार्य किया गया । @RailMinIndia pic.twitter.com/EqX2vMUu0A

— Central Railway (@Central_Railway) November 21, 2021

یہ ویڈیو کل سینٹرل ریلوے نے سوشل میڈیا پر جاری کی تھی اور وزارت ریلوے نے بھی اسے آج ٹوئٹر پر شیئر کیا اور لکھا کہ کہ آپ سے گزارش ہے کہ چلتی گاڑی میں چڑھنے یا اترنے کی کوشش نہ کریں، یہ جان لیوا ہو سکتا ہے۔

واضح رہے کہ یہ دوسرا واقعہ ہے جس میں خاتون پولیس اہلکار نے کسی مسافر کی زندگی بچائی ہے۔