اقتصادی رابطہ کمیٹی کے اجلاس میں ویکسین کی خریداری سمیت دیگر سمریوں کی منظوری ہوگی۔

ذرائع کے مطابق اقتصادی رابطہ کمیٹی کے 15 نومبر کو ہونے والے اجلاس میں 7 نکاتی ایجنڈا زیرِغورآئے گا جبکہ اے ڈی بی کی جانب سے 20 کروڑ ڈالر کی ویکیسین کی خریداری کی منظوری دی جائے گی۔ ایشیائی ترقیاتی بنک نے50 کروڑ ڈالرویکیسین کی خریداری کے لیے فراہم کیے تھے۔

ذرائع کا کہنا ہے کہ اجلاس میں سمال میڈیم انٹرپرائززکیلئے پالیسی کی منظوری دی جائے گی۔ یہ منظوری2021 سے 2025 تک کیلئےمنظورکی جائے گی۔

ذرائع کے مطابق یوریا کھاد کی درآمد کیلئے پیپرا رولزمیں نرمی اور کابینہ ڈویژن کےلیے تکنیکی سپلیمنٹری گرانٹ کی منظوری دی جائے گی۔ کابینہ ڈویژن کی 10ارب روپے کی گرانٹ پائیدارترقی کےاہداف کے حصول کےلیےدی جائے گی۔

اقتصادی رابطہ کمیٹی کے اجلاس میں وفاقی وزارت تعلیم کیلئے تکنیکی سپلیمنٹری گرانٹ کی منظوری دی جائے گی۔ وزارت تعلیم کے لیے 33 کروڑ 80 لاکھ کی گرانٹ قومی رحمت اللعالمین اتھارٹی کے لیے ہوگی۔

واضح رہے کہ گذشتہ اجلاس میں اقتصادی رابطہ کمیٹی نے 15 نکاتی ایجنڈے میں سے 11 نکات کی منظوری دی۔

گذشتہ اجلاس میں پاک فضائیہ کےاہلکاروں کے لیے سیکیورٹی ڈیوٹی الاؤنس کی سمری، کے پی کے تیل و گیس نکالنے والے اضلاع میں گیس نیٹ ورک کی بحالی اور اسٹریٹیجک ٹریڈ پالیسی فریم ورک کی منظوری بھی دی گئی۔