سب کا فرض ہے کہ اپنے گرد ونواح میں تعلیمی ماحول کی بہتری کا جائزہ لیں، صدر مملکت

تنزیلہ قریشی

15th Nov, 2021. 04:42 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

سب کا فرض ہے کہ اپنے گرد ونواح میں تعلیمی ماحول کی بہتری کا جائزہ لیں، صدر مملکت

صدر مملکت ڈاکٹر عارف علوی نے کہا ہے کہ ہم سب کا فرض ہے کہ اپنے گرد ونواح میں تعلیمی ماحول کی بہتری کا جائزہ لیں۔

ڈاکٹر عارف علوی نے گورنمنٹ پرائمری اسکول دار الفلاح کوئٹہ میں منعقدہ تقریب میں طلباء سے خطاب کرتے ہوئے کہا کہ دار الفلاح اسکول 1925 میں قائم کیا گیا تعلیم کے حصول میں ادارے کی کاوشیں لائقِ تحسین ہیں، یہ ہم سب کا معاشرتی فرض ہے کہ اپنے گرد ونواح میں تعلیمی ماحول کی بہتری کا جائزہ لیں۔

ان کا کہنا تھا کہ تعلیم کے بغیر قومیں ترقی نہیں کرسکتیں، ہونہار بچوں سے مل کر خوشی ہوئی، حصولِ تعلیم کیلئے دار الفلاح اسکول کا مقصد مسلمانوں کو علم کی جانب راغب کرنا تھا۔

صدر مملکت ڈاکٹر عارف علوی نے مزید کہا کہ تعلیم کے ساتھ ہنر آتا ہے اور ہنر سے بہتری کے امکانات روشن ہوجاتے ہیں، تعلیم کے فروغ کیلئے معاشرے کے ہر فرد کو اپنا کردار ادا کرنا ہوگا۔

یاد رہے کہ خاتون اول ڈاکٹر ثمینہ علوی پرائمری اسکول دار الفلاح میں منعقدہ تقریب میں صدر مملکت کے ہمراہ تھیں۔