عبدالعلیم خان کی وزیر اعظم سے ملاقات ، مستعفی ہونے کی وجوہات بتا دی

عبدالعلیم خان کی وزیر اعظم سے ملاقات، مستعفی ہونے کی وجوہات بتا دی

شبین رضا

26th Nov, 2021. 03:01 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

عبدالعلیم خان کی وزیر اعظم سے ملاقات، مستعفی ہونے کی وجوہات بتا دی

عبدالعلیم خان نے وزیراعظم کو وزارت سے استعفے کی وجوہات سے متعلق تفصیلات بتا دیں۔

ذرائع کے مطابق پی ٹی آئی کے رہنما اور صوبائی وزیرعبدالعلیم خان نے وزیر اعظم عمران خان سے ملاقات کی اور اپنی وزارت سے استعفے سمیت اہم امور پر بات چیت کی۔

ملاقات کے بعد عبدالعلیم خان کا کہنا تھا کہ وزیر اعظم عمران خان کو وزارت سےاستعفے کی وجوہات سے متعلق تفصیل سے بتایا ہے۔

پی ٹی آئی رہنما نے کہاکہ ٹی وی چینل کی ملکیت کے بعد سینئر وزیر پنجاب کے عہدے اورغیر جانبداری کو برقرار رکھنا میرے لئے مشکل ہو گا۔

عبدالعلیم خان نے مزید کہاکہ وزیراعظم عمران خان کا مشکور ہوں کہ انہوں نے میری گزارشات کو بغورسنا اور مستعفی ہونے کی اجازت دی۔

ان کا کہنا تھا کہ اب بطور سینئر وزیر اور وزیر خوراک اپنا استعفے وزیر اعلیٰ پنجاب کو بھجوا دوں گا۔

واضح رہےکہ چند روز قبل عبدالعلیم خان نے وزیراعظم عمران خان سے ملاقات میں اپنا استعفی پیش کیا تھا لیکن وزیراعظم نے انہیں استعفی واپس کرتے ہوئے کچھ دیر انتظار کرنے کو کہا تھا۔