لندن میں کریٹو ٹیم ایونٹس کی جانب سے ٹک ٹاکرز انٹرنیشنل ایوارڈز کا اہتمام کیا گیا۔

دنیا بھر میں شوبز انڈسٹری سے وابستہ فنکاروں کے لیے مختلف تقاریب کا اہتمام کیا جاتا ہے جن میں ان کی کارکردگی کی بنیاد پر مختلف ایوارڈز سے نوازا جاتا ہے ہالی ووڈ سے لیکر بالی ووڈ اور لالی ووڈ میں فلموں، ڈراموں، گانوں، ڈاکیومینٹریز اور یہاں تک یوٹیوبرز ایوارڈز کی تقریب بھی منعقد کی جاتی ہے۔

تاریخ میں پہلی بار شارٹ ویڈیو فارمیٹ یعنی ٹک ٹاک کے لیے بھی تقریب منعقد کی گئی جہاں اچھا مواد بنانے والے ٹک ٹاکرز کو مختلف ایوارڈز سے نوازا گیا۔

ٹک ٹاکرز کیلئے ایواڈز تقریب ایسٹ لندن رانفرڈ سٹی پاولین میں رکھی گئی، کریٹو ٹیم ایونٹس اوورگنائزر عاصم یوسف اور سمرین چوہدری کی جانب سے انتظام کیا گیا۔ اس موقع پر برطانیہ بھر سے ٹک ٹاکرز کی بڑی تعداد کے ایواڈز میں شرکت کی۔

ٹک ٹاکرز ایواڈز شو میں پاکستان کے نامور اداکار احمد بٹ نے میزبانی کے فرائض سرانجام دیئے اور اس کے علاوہ معروف پاکستانی سیاسی، سماجی شخصیت وگلوکار ابرار الحق نے بھی ایواڈز تقریب میں شرکت کی جب کہ ابرالحق کی جانب سے سہارا ٹرسٹ کیلئے چیرٹی کرتے پیسہ بھی جمع کیا گیا۔

کمیونٹی کی معروف شخصیات کی جانب سے ٹک ٹاک ایواڈز میں شرکت کی گئی جس میں امین چشتی، آئی بی پی سی چئیرمین رضوان سلہریا، یوکے پی سی سی آئی صدر سردار شفقت، مئیر لیوشم توصیف انور، صدر پی پی پی برطانیہ محسن باری، سینئر نائب صدر ساجدہ نواب، پی ٹی آئی سینئر رہنما صاحبزادہ جہانگیر، حاجی صدیق، مئیر سٹن محمد صادق، آصف بٹ، سید جمیل شاہ، رانا دین محمد سمیت دیگر شریک ہوئے۔

عاصم یوسف اور سمرین چوہدری کہتے ایونٹ کمیونٹی کو انٹرٹینمنٹ کے ساتھ نوجوانوں کو موقع دینا تھا۔ شرکا کی جانب سے کامیابی ایواڈز کروانے پر خوب داد دیتے کاوش کو سراہا۔