اسپیکر قومی اسمبلی اسد قیصر کا کہنا ہے کہ خطے میں پائیدار امن کے قیام کے لیے پاکستان اور امریکا کے درمیان رابطوں کا فروغ ضروری ہے۔
پارلیمنٹ ہاؤس اسلام آباد میں اسپیکر قومی اسمبلی اسد قیصر سے امریکی کانگرس کے اراکین کے وفد نے کانگرس کی امور خارجہ کمیٹی کے چیئرمین کی سربراہی میں ملاقات کی، ملاقات کے دوران دوطرفہ تعلقات، خطے میں امن و سلامتی کی مجموعی صورتحال اور باہمی دلچسپی کے امور پر تبادلہ خیال کیا گیا۔
اسپیکر قومی اسمبلی نے کہا کہ امریکا پاکستان میں انفرا اسٹرکچر کی ترقی اور سرمایہ کاری سمیت دیگر اہم شعبوں میں شراکت دار ہے، خطے میں پائیدار امن کے قیام کے لیے دونوں ممالک میں رابطوں کا فروغ ضروری ہے، امریکا میں مقیم 10 لاکھ سے زائد پاکستانی تارکین وطن دونوں ممالک کے مابین پل کر کردار ادا کر رہے ہیں۔
اسد قیصر نے کہا کہ پاکستان اور امریکا کے درمیان پارلیمانی سطح پر رابطوں میں اضافہ دوطرفہ تعلقات کو مزید مستحکم بنانے میں اہم کر دار ادا کر سکتا ہے، دونوں ممالک میں جمہوریت کی بالادستی، قانون کی حکمرانی اور انصاف کی فراہمی کی قدر مشترک ہیں۔
Advertisement
Advertisement
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News
Advertisement
