ٹی ٹوئنٹی ورلڈکپ میں بھارت کی ناقص کارکردگی اور سیمی فائنل میں نہ پہنچنے پر بھارت کے سابق کرکٹرز نے اپنی توپوں کا رخ ٹیم اور انڈین پریمیئر لیگ(آئی پی ایل)کی جانب کرلیا۔
تفصیلات کے مطابق سابق بھارتی کرکٹر وریندر سہواگ نے اپنے ٹوئٹر اکاؤنٹ پر بھارتی سیاستدان راہول گاندھی کی ایک تصویر شیئر کی جس کے کیپشن میں لکھا تھا ختم بائے بائے ٹاٹا گڈ بائے۔
India’s campaign at the #ICCT20WorldCup pic.twitter.com/VhsdiQld8I
— Virender Sehwag (@virendersehwag) November 7, 2021
دوسری جانب سابق بھارتی کپتان کپل دیو نے بھی اپنی ٹیم کی پے در پے شکست اور ورلڈکپ کی دوڑ سے باہر ہونے پر شدید غصے کا اظہار کیا۔
ایک انٹرویو کے دوران کپل دیو نے کھلاڑیوں کے آئی پی ایل میں کھیلنے کو بھارتی ٹیم کی شکست کی وجہ قرار دیتے ہوئے کہا کہ جب کھلاڑی قومی سطح پر کھیلنے کی بجائے آئی پی ایل کو ترجیح دیں گے تو ہم کیا کہہ سکتے ہیں؟
انہوں نے کہا کہ کھلاڑیوں کو اپنی قوم کے لیے کھیلنے پر فخر کرنا چاہیے، میں ان کے مالی حالات نہیں جانتا اس لیے زیادہ کچھ نہیں کہوں گا۔
کپل دیو کا کہنا تھا کہ پہلے قومی ٹیم اور پھر کوئی بھی فرنچائزز ہونی چاہئے۔
ان کا کہنا تھا کہ ورلڈکپ میں بھارتی ٹیم نے جو غلطیاں کی ہیں اسے نہ دہرانہ ہی اصل سبق ہے۔
کپل دیو کا مزید کہنا تھا کہ مجھے لگتا ہے کہ آئی پی ایل اور ورلڈکپ کے درمیان کچھ فرق ہونا چاہئے تھا۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News