چینی بحران پر وزیراعظم عمران خان نے ہنگامی اجلاس طلب کر لیا۔

وزیراعظم کی زیر صدارت ہنگامی اجلاس میں چیف سیکرٹری پنجاب علی کامران افضل شریک ہوں گے۔

اجلاس میں سیکرٹری خوراک، سیکرٹری صنعت ، سیکرٹری زراعت اور کین کمشنر پنجاب بھی شریک ہوں گے۔

 وزیراعظم عمران خان ویڈیو لنک کے ذریعے اجلاس کی صدارت کریں گے۔

ذرائع کے مطابق اس ہنگامی اجلاس کے ایجنڈے میں چینی سمیت اشیائے خوردونوش کی بلند ترین قیمتیں شامل ہے۔

دوسری جانب قومی اسمبلی کا اجلاس آج شام 6 بجے ہوگا، اجلاس کا 28 نکاتی ایجنڈا جاری کردیا گیاہے۔

قومی اسمبلی کے آج کے اجلاس میں پبلک پروکیورمنٹ رجسٹریشن اتھارٹی بل پر قانون سازی کی جائے گی۔

میڈیا پروفیشنلز پروٹیکشن بل بھی قانون سازی کے لیے قومی اسمبلی میں پیش ہوگا۔

ورک پلیس پرخواتین کو ہراساں کرنے کا ترمیمی بل بھی منظوری کے لیے آج کے اجلاس میں پیش کیا جائے گا۔

نیشنل کمیشن برائے تحفظ اطفال ترمیمی بل بھی ایوان میں پیش کیا جائے گا۔

ضابطہ فوجداری میں ترامیم کا بل بھی منظوری کے لیےایوان میں پیش ہوگا جبکہ نیب ترمیمی بل 2021 قائمہ کمیٹی کی رپورٹ کی صورت میں قانون سازی کے لیے پیش کیا جائے گا۔

وزیرقانون ایوان کے سامنے نیب کا دوسرا اور تیسرا ترمیمی آرڈیننس رکھیں گے۔

قومی اسمبلی کے اجلاس میں بشکیک، کرغزستان میں نیشنل بینک کی برانچ بند کیے جانے پر توجہ دلاؤ نوٹس بھی ایجنڈے میں شامل ہے۔

تحریک کے ذریعے اسلام آباد چیریٹیزرجسٹریشن بل منظوری کے لیے مشترکہ اجلاس کو بھیجا جائے گا جبکہ کوویڈ-19 ذخیرہ اندوزی سے بچاؤ کا بل بھی مشترکہ اجلاس کو بھیجنے کی تحریک پیش ہوگی۔

ضابطہ فوجداری میں ترامیم کا بل بھی منظوری کے لیےایوان میں پیش ہوگا جبکہ نیب ترمیمی بل 2021 قائمہ کمیٹی کی رپورٹ کی صورت میں قانون سازی کے لیے پیش کیا جائے گا۔