لیسکو محمود بوٹی سب ڈویژن میں بجلی چوری کے خلاف کارروائیوں کے دوران 29 کنکشنز پکڑے گئے۔

        لاہور الیکٹرک سپلائی کمپنی (لیسکو) کے چیف ایگزیکٹو چوہدری محمد امین کی ہدایات پر تمام سرکلز میں بجلی چوروں کیخلاف بڑے پیمانے پر سرچ آپریشن کئے جا رہے ہیں۔

اسی سلسلے میں ایس ڈی او محمود بوٹی آصف علی خان نے اپنے اسٹاف کے ہمراہ سب ڈویژن کے زیرِ انتطام علاقوں میں آپریشن کیا جس دوران کل 225 کنکشنز چیک کئے گئے، دوران چیکنگ 29 کنکشنز میں مختلف نوعیت کی بے ضابطگیاں سامنے آئیں۔

ایس ڈی او آصف علی خان کے مطابق پکڑے جانے والے کنکشنز میں ایک ٹیوب ویل کنکشن جس کو ڈائریکٹ سپلائی سے چلایا جارہا تھا،19میٹر ڈائریکٹ سپلائی،01 میٹر ریورس، 02 میٹر ڈیڈسٹاپ، 03 میٹر ڈسپلے اوپن 01 میٹر ڈسپلے واش جبکہ 02 مختلف نوعیت کے کیسز تھے، تمام بے ضابطہ کنکشن منقطع کرکے 105,000 یونٹس ڈٹیکشن بل کی مد میں چارج کئے گئے ہیں۔

پکڑے جانے والے29 بجلی چوروں کے خلاف ایف آئی آر کے اندراج کے لئے درخواستیں متعلقہ تھانوں میں جمع کروا دی گئی ہیں۔

چیف ایگزیکٹو چوہدری محمد امین کی ہدایت پر لیسکو میں بجلی چوری کے مکمل خاتمے کے لئے ٹاسک فورس اور لیسکو آپریشن اور سرویلنس کی ٹیموں کی جانب سے بجلی چوروں کے خلاف مہم جاری ہے۔

اس کے ساتھ ساتھ ڈیڈ ڈیفالٹرز سے واجب الادا رقومات کی وصولی کا سلسلہ بھی جاری ہے۔