پنجاب کے سرکاری ہسپتالوں میں مریضوں کیلئے تمام طبی سہولیات دستیاب ہیں، ڈاکٹر یاسمین راشد

تنزیلہ قریشی

09th Nov, 2021. 02:00 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

پنجاب کے سرکاری ہسپتالوں میں مریضوں کیلئے تمام طبی سہولیات دستیاب ہیں، ڈاکٹر یاسمین راشد
صحیح سمت کیلیے مساوی تعاون ناگزیر ہے، شہباز شریف کا ریاض میں کانفرنس سے خطاب
وزیراعظم اور سعودی ولی عہد کی ملاقات، پاک سعودی اقتصادی تعاون کے نئے فریم ورک پر اتفاق
وزیراعظم آزاد کشمیر کو مستعفی ہونے کا پیغام، پیپلز پارٹی نے آج کی مہلت دے دی

Now Reading:

پنجاب کے سرکاری ہسپتالوں میں مریضوں کیلئے تمام طبی سہولیات دستیاب ہیں، ڈاکٹر یاسمین راشد

صوبائی وزیر صحت ڈاکٹر یاسمین راشد نے کہا ہے کہ پنجاب کے سرکاری ہسپتالوں میں ڈینگی کے مریضوں کیلئے پیناڈول گولی سمیت تمام طبی سہولیات دستیاب ہیں۔

ڈاکٹر یاسمین راشد نے سیکرٹری پرائمری اینڈ سیکنڈری ہیلتھ کئیر پنجاب عمران سکندر بلوچ کو مارکیٹ میں پیناڈول گولیوں کی دستیابی یقینی بنانے کی ہدایت کر دی، ایڈیشنل سیکرٹری ڈرگز کنٹرول ڈاکٹر سہیل مارکیٹ میں پیناڈول گولیوں کی دستیابی کو یقینی بنانے کے لیے متحرک ہو گئے۔

ایڈیشنل سیکرٹری ڈرگز کنٹرول ڈاکٹر سہیل نے کہا کہ مارکیٹ میں جمعہ کے روز پیناڈول کی 3 کروڑ24 لاکھ گولیاں تقسیم کی گئیں جبکہ آج لاہور میں پیناڈول کی مزید 2 کروڑ 15 لاکھ، فیصل آباد میں 45 لاکھ، سرگودھا میں 31 لاکھ، اوکاڑہ میں 26 لاکھ، گجرات میں 13 لاکھ گولیاں تقسیم کی گئی ہیں۔

ڈاکٹر سہیل کا کہنا تھا کہ مارکیٹ میں اس وقت پیناڈول گولی متبادل کمپنی کی جانب سے کیلپول، پیراسیٹامول (یونیسکو) اور ٹائیلول کمپنی کے ناموں سے بھی دستیاب ہیں، اس ضمن میں چیف ڈرگزکنٹرولر نے ڈرگ ریگولیرٹی اتھارٹی اسلام آباد کو بھی مطلع کردیا ہے۔

سیکرٹری محکمہ پرائمری اینڈ سیکنڈری ہیلتھ کیئر پنجاب عمران سکندر بلوچ نے کہا کہ مارکیٹ میں فیلڈ فورس کی مدد سے پیناڈول گولی کی دستیابی کو یقینی بنایا جا رہا ہے۔