مولانا طاہر اشرفی نے کہا ہے کہ وزیراعظم کے دورہ سعودی عرب سے تعلقات میں وسعت آئے گی۔

 تفصیلات کے مطابق وزیراعظم کے نمائندہ خصوصی برائے مذہبی ہم آہنگی مولانا طاہر اشرفی نے کہا ہے کہ ملک میں بیرونی سرمایہ کاری میں اضافہ ہورہاہے ، ہرمشکل وقت میں سعودی عرب نے پاکستان کاساتھ دیاہے۔

وزیراعظم کے نمائندہ خصوصی برائے مذہبی ہم آہنگی مولانا طاہر اشرفی نے کہا کہ اسلامی دنیا کے ساتھ ہمارے تعلقات میں اضافہ ہورہا ہے ، رحمت للعالمین ﷺ اتھارٹی بنانےسےدنیا بھرمیں پاکستان کے وقارمیں اضافہ ہوا ہے۔

 اس سے قبل مولانا طاہر اشرفی نے پشاور پریس کلب میں پریس کانفرنس کرتے ہوئے کہا تھا کہ خطے میں امن کو مضبوط کرنے کے اقدامات کا پاکستان حامی ہے۔

انہوں نے کہا تھا کہ افغانستان مذاکرات عمل پر پوری دنیا پاکستان کی تعریف کررہی ہے ، محرم کے ایام حساس ہوتے ہیں ، پورے ملک میں صورتحال بہتر ہے ، ملک میں بین المسالک امن پر کنٹرول کرنا ہے ، گزشتہ 8 ماہ میں ملک میں کوئی مذہبی فساد اورقتل و غارت نہیں ہوئی۔

طاہراشرفی نے کہا تھا کہ آج ملک میں یکساں تعلیم کا نظام نافذ کر دیا گیا ہے ، اگلے دو سے تین دنوں میں افواہوں سے بچنا ہوگا ،  پاکستان میں اقلیتوں کا تحفظ کرنا ریاست کی ذمہ داری ہے ، کسی کو اجازت نہیں کہ اس زمین کو کسی ملک کے خلاف استعمال کرے ، افغانستان کی تمام جماعتوں سےاپیل ہے مذاکرات سے مسائل کا حل نکالیں۔

وزیراعظم کے نمائندہ خصوصی برائے مذہبی ہم آہنگی مولانا طاہر اشرفی نے کہا تھا کہ طالبان کا بغیرقتل وغارت کابل میں داخل ہونا خوش آئند ہے ، افغان عوام اور وہاں کا امن ہمیں بہت عزیز ہے ، پاکستان امن کا سہولت کار ہے جنگ کا نہیں۔