عالیہ حمزہ کا کہنا ہےکہ مریم صفدر کی فرعونیت کا اندازہ لگائیں کوئی سرکاری عہدہ نا ہونے کے باوجود یہ کیسے میڈیا کو کنٹرول کر رہی تھی۔

پی ٹی آئی رہنما اور پارلیمانی سیکرٹری عالیہ حمزہ نے مریم صفدر کی نئی آڈیو ٹیپ سے متعلق بیان دیتے ہوئے کہاکہ جعلی ‏ویڈیو آڈیوز کا کھیل کھیلنا مریم صفدرکو بہت مہنگا پڑاہے، جس غلاظت میں ان کی پرورش ہوئی ہے وہ بہت ہی بدبودار ہے۔

پی ٹی آئی رہنما نے کہاکہ ‏اشتہاری تاحیات نااہل والد محترم اپنا امپائر لے کرلاہور جم خانہ کرکٹ کھیلنے جاتے تھےاور بیٹی دونوں طرف کے فیکٹس بتانے پرغمزدہ ہے۔

عالیہ حمزہ نے کہاکہ ان شرم واخلاق اور کردار سے عاری خاندان نے اپنے مفاد کی خاطر ہر ادارے اور ہر شعبے سے اخلاقیات کا جنازہ نکال کر رکھ دیا ہے، میڈیا فریڈم پر بات کرنے والے کہاں ہیں؟ آزادی صحافت کے علمبردار کیا کہتے ہیں ؟

پارلیمانی سیکرٹری عالیہ حمزہ نے نے مزید کہاکہ قوم کو سمجھنا چائیے عمران خان کا مقابلہ اس مافیا سے ہےاورہمارے بقاکی جنگ لڑرہا ہے۔

واضح رہےکہ مسلم لیگ ن کی نائب صدر مریم نوازکی ایک اورمبینہ آڈیو لیک ہوگئی۔

وزیراعظم کے معاون خصوصی برائے سیاسی روابط شہباز گل نے سماجی رابطے کی ویب سائٹ ٹوئٹر پر جاری اپنی ٹوئٹ میں کہاکہ مریم صفدر کی ایک اور آڈیو لیک، میں نے کہا تھا نہ آپ خود بے نقاب ہوں گی، جھوٹ بولنے والے ہمیشہ خسارے میں رہتا ہے۔

مریم صفدر کی ایک اور آڈیو لیک۔ کہا تھا نہ آپ خود بے نقاب ہوں گی۔ جھوٹ بولنے والے ہمیشہ خسارے میں رہتا ہے۔ pic.twitter.com/D8NpLFRsmG— Dr. Shahbaz GiLL (@SHABAZGIL) November 28, 2021

شہباز گل کی شئیر کی گئی اس آڈیو میں باآسانی سنا جاسکتاہے کہ مریم نواز کہہ رہی ہیں کہ جیوسےخودبات کی توویسا نہیں ہورہاتھا جیساہم چاہتےتھے، پھرمیں نےمیرشکیل صاحب سےذاتی طورپرخودبات کی۔

مریم کا آڈیو میں کہنا تھا کہ میں نے ان سے کہا ہے کہ یہ زیادتی ہےآپ دونوں طرف کےفیکٹس دکھارہےہیں، عمران خان نے بغیر تصدیق جھوٹ بولا، اسی جھوٹ کوعمران خان نے نہ صرف دہرایا بلکہ دس باتیں گھڑلیں۔

مبینہ آڈیو میں مریم کا مزید کہنا ہےکہ میں نے میاں عامرسے بھی یہی کہا، میاں عامرنے کہا کہ دیکھیں میں کرتا کیا ہوں اس کےساتھ، اللہ کا شکر ہے ہم نے اس کو آج جھوٹا ثابت کردیا۔