ترجمان وزارت خزانہ مزمل اسلم نے کہا ہے کہ حکومت پیٹرول پر سیلز ٹیکس17 فیصد کے بجائے 1.43 فیصد حاصل کرے گی۔

مزمل اسلم نے ٹوئٹر پر جاری ایک پیغام میں کہا ہے کہ حکومت پیٹرول پر سیلز ٹیکس 1.43فیصد حاصل کرے گی ، اب آپ اندازہ لگائیں کہ اگر پورا 17 فیصد وصول کیا جاتا تو قیمت 160 سے بھی زیادہ ہو جاتی۔

انہوں نے کہا کہ مزید اگر 30 روپے لیوی لیا جاتا تو پیٹرول 180 روپے فی لیٹر ہوتا، فی لیٹر 35 روپے حکومت نے اپنے چھوڑے ہیں۔

حکومت سیلز ٹیکس کی مد میں صرف 1.43 فیصد حاصل کرے گی 17 فیصد کے بجائے۰ اندازہ لگائے اگر پورا 17 فیصد وصول کیا جاتا تو قیمت 160 سے بھی زیادہ ہو جاتی اور مزید اگر 30 روپے لیوی لیا جاتا تو پٹرول 180 روپے فی لیٹر ہوتا۰ فی لیٹر 35 روپے حکومت نے اپنے چھوڑے ہیں۰ pic.twitter.com/iRul508c15

Advertisement

— Muzzammil Aslam (@MuzzammilAslam3) November 5, 2021

واضح رہے کہ گزشتہ رات حکومت نے پیٹرولیم مصنوعات کی قیمتوں میں ایک بار پھر اضافہ کیا تھا ، جس کے مطابق پیٹرول کی قیمت میں 8 روپے 3 پیسے کا اضافہ کیا گیا ، جس کے بعد پیٹرول کی نئی قیمت 137 روپے 79 پیسے سے بڑھ کر 145 روپے 82 پیسے ہوگئی۔

ہائی اسپیڈ ڈیزل کی قیمت میں 8 روپے 14 پیسے کا اضافہ کیا گیا ہے جس کے بعد اس کی قیمت 134 روپے 48 پیسے سے بڑھ کر 142 روپے 62 پیسے ہوگئی ہے۔