حمزہ شہباز کا کہنا ہےکہ لوگ لکڑیاں جلا کرکھانا پکانے پرمجبور ہو چکے ہیں ایل پی جی کی قیمتیں بھی آسمان سے باتیں کر رہی ہیں۔
مسلم لیگ ن کے نائب صدر اور اپوزیشن لیڈر پنجاب اسمبلی حمزہ شہباز شریف نے ملک میں جاری شدید گیس بحران پر جاری کردہ اپنے بیان میں کہاکہ اس حکومت نے عوام سے ہر سکھ چھیننے کا مصمم ارادہ کر رکھا ہے پورا ملک گیس بحران کی لپیٹ میں ہے۔
انہوں نے کہاکہ ایل پی جی 220 روپے فی کلو تک پہنچ گئی ہے گھریلو سلینڈر 2500 روپے سے زائد کا ہو چکا ہے، جہاں گیس آ بھی رہی ہے وہاں کم پریشر مزید اذیت کا باعث بن رہا ہے۔
حمزہ شہباز نے کہاکہ گیس کی قیمت 350 فیصد تک بڑھائی جا چکی ہے مزید اضافے کی تیاریاں ہیں، بروقت ایل این جی نہ منگوا کر ملک کو شدید بحران میں دھکیلا گیا ۔
مسلم لیگی رہنما نے کہاکہ حکومتی نا اہلی اور تساہلی کا اعتراف خود مشیر خزانہ نے بھی کر لیا ہے، ملکی تاریخ کا مہنگا ترین ایل این جی کارگو 30 ڈالر فی ایم ایم بی ٹی یو سے زائد میں خریدا گیا۔
اپوزیشن لیڈر پنجاب اسمبلی نے کہاکہ حکومت نےکاری ضرب لگاتے ہوئے پنجاب کی ایکسپورٹ انڈسٹری کے لئے بھی گیس کی قیمت ساڑھے 6 ڈالر سے بڑھا کر 9 ڈالر فی ایم ایم بی ٹی یو کر دی ہے۔
حمزہ شہباز کا مزید کہنا تھا کہ بنگلہ دیش اپنے ایکسپورٹ سیکٹر کو گیس 4 ڈالر اور بھارت 5ڈالر کے لگ بھگ فراہم کر رہا ہے۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News