چیف جسٹس بلوچستان نے ینگ ڈاکٹرز ایسوسی ایشن کی ہڑتال پر وائی ڈی اے کے عہدیداران پر برہمی کا اظہار کیا ہے۔

چیف جسٹس بلوچستان نعیم اختر افغان اور جسٹس عبداللہ بلوچ کی سربراہی میں بلوچستان ہائی کورٹ میں اسپتالوں میں سہولیات کے فقدان سے متعلق کیس کی سماعت ہوئی۔

چیف جسٹس نے ینگ ڈاکٹرزایسوسی ایشن کی ہڑتال وائی ڈی اے کے عہدیداران پربرہمی کا اظہار کرتے ہوئے کہا کہ ہم آپ کا مسئلہ حل کرنا چاہتے ہیں مگر آپ مسئلے کو جوں کو توں رکھنا چاہتے ہیں۔

اپنے ریمارکس میں انھوں نے کہا کہ آپ نے پھردھرنا اور ریلیاں شروع کردی ہیں۔ آپ کو کس نے عوام کو تنگ کرنے کا اختیار دیا ہےَ۔ ہم نے آپ سے کہا کہ آپ کا مسئلہ حل کرینگے آپ نے ہھر جاکر دھرنا دےدیا ہے۔ آپ یہ پروفیشن چھوڑ کر جوتوں کی دکان کھول لیں۔

چیف جسٹس نے کہا کہ ہم یہ مسئلہ حل کرنا چایتے ہیں لیکن آپ یہ مسئلہ حل نہیں کرنا چاہتے ہیں۔

ینگ ڈاکٹرز نے عدالت کو بتایا کہ ریڈزون میں جاری دھرنا ینگ ڈاکٹرز کا نہیں ہے ڈاکٹرز کا ہے۔

چیف جسٹس نےکہا کہ آپ بتائیں یہ دھرنا آپ کا ہے تو ہم ابھی توہین عدالت کا آڈر نکالیں پھر دیکھتے ہیں آپ کے ساتھ کیا صورتحال پیش آتی۔ اس تمام صورتحال کے حوالے سے ہمیں آپ کی کوئی ضرورت نہیں ہے آپ لوگوں کو بہت شکریہ آپ لوگ چلیں جائیں۔

چیف جسٹس نے کہا کہ ہم نے آپ لوگوں کیخلاف جو کارروائی کرنے ہوگی ہم کرینگے گورنمٹ کو کہا ہے وہ تمام معاملہ دیکھے۔ آپ نے سہولیات کےحوالے سےبجو سفارشات دینی تھی آپ نے دےدی ہمیں آپ کی کوئی ضرورت نہیں۔آپ کی کوئی ضرورت نہیں یہاں آنے کی آپ نے اپنا کام کردیا۔

انھوں نے کہا کہ آپ جائیں جو آپ کا دل کرتاہے آپ کریں لیکن آپ کو مزید اس طرح کی اجازت نہیں دی جائے گی۔ ہم گورنمنٹ سے کہتے ہیں کہ وہ قانون کے مطابق کارروائی کرے