محسن شیخانی نے کہا ہے کہ بلڈرزکے بجائےاداروں کیخلاف کارروائی کی جائے۔

 چیئرمین آباد محسن شیخانی نے کہا ہے کہ کراچی میں کوئی انفرا اسٹرکچرنہیں ، 100 ارب روپے ترقیاتی فنڈز کراچی سےہی پیدا کرکے دیں گے ، پہلےکراچی پرخرچ توکریں ، ہمارے پاس ماسٹرپلان موجود ہے۔

انہوں نے کہا کہ کراچی میں ساڑھے4لاکھ ایکڑزمین خالی ہے جس پر قبضے ہو رہے ہیں ، ہم نےایسا کیا کیا جولاٹھی چارج اور شیلنگ کی گئی ، بنی گالا کو ریگولرائز کیا جارہا ہے،کراچی میں نہیں کیا جا رہا ، جوفیصلےدیگرصوبوں میں ہورہےہیں کراچی میں بھی وہی ہونےچاہئیں۔

چیئرمین آباد نے کہا کہ قانون سب کیلئے برابر ہونا چاہیے ، سعیدغنی بھی کل ہمارے پاس آئےتھے ، کمشنرکراچی نےکہاریلی کی اجازت نہیں دیں گے ، منظوری حکومت نےدی تواون بھی انہیں ہی کرناچاہیے ، نسلہ ٹاورپرذمہ داروں کیخلاف کارروائی کیلئےپٹیشن دائرکرینگے۔

محسن شیخانی نے کہا کہ گورنرسندھ کےساتھ وفد کی صورت میں کل ملاقات کرینگے ، بلڈرزکے بجائےاداروں کیخلاف کارروائی کی جائے ، ایک اتھارٹی ہونی چاہیےجوزمین کی منظوری دےاورچیلنج نہ ہو ، چاہتےہیں قانون کےمطابق کاروبارکی اجازت دی جائے ، شہرمیں 2قانون کےبجائےایک قانون رکھاجائے۔

انہوں نے کہا کہ چاہتےہیں جسطرح پنجاب میں قانون بنا،کراچی میں بھی بنے ، مرتضیٰ وہاب نےریگولرائزیشن پالیسی منظوری کیلئےگورنرکوبھیج دی ، ماسٹرپلان اتھارٹی بنائی جائے ، آباد کسی بھی غیرقانونی تعمیرکوسپورٹ نہیں کرتا۔

چیئرمین آباد محسن شیخانی نے کہا کہ ہم ٹیکس ادا کرتے ہیں ، ہمارےساتھ ایسا رویہ ہوگا توہم کہاں جائیں گے ، غیرقانونی تعمیرات کیخلاف ہیں۔