فواد چوہدری نے نواز شریف کو مشورہ دیتے ہوئے کہا ہے کہ جیل نہیں جانا تو پیسے واپس کردیں۔

وفاقی وزیر اطلاعات ونشریات فواد چوہدری نے اپنی ٹوئٹ میں کہاکہ جیل نہیں جانا تو پیسے واپس کریں یہ مختصرحل ہے جس کو پیچیدہ بنا کر نکلنا چاہتے ہیں۔

نواز اینڈ کمپنی جعلی ویڈیوز، لیکس اور گیمز سے باہر آ کر الزامات کا جواب میرٹ پر دے یہ ڈرامے مکمل فلاپ ہو چکے ہیں جیل نہیں جانا پیسے واپس کریں یہ مختصر حل ہے جس کو پیچیدہ بنا کر نکلنا چاہتے ہیں

— Ch Fawad Hussain (@fawadchaudhry) November 23, 2021

انہوں نے مشورہ دیتے ہوئے مزید کہاکہ نواز اینڈ کمپنی جعلی ویڈیوز، لیکس اور گیمز سے باہرآ کر الزامات کا جواب میرٹ پر دے، یہ ڈرامے مکمل فلاپ ہو چکے ہیں۔

دوسری جانب منظور وسان کا کہنا ہے کہ تین ماہ ملک کی سیاست کے لیےاہم ہیں، نواز شریف وطن واپس آسکتے ہیں۔

میڈیا سے گفتگو کرتے ہوئے پیپلزپارٹی کے رہنما منظوروسان نے کہا ہے کہ حالات خراب ہیں، آگے جا کر اور بھی خراب ہوں گے۔ ہوسکتا ہے پانچ سال پورے ہوں، چہرہ تبدیل ہوسکتا ہے۔ باہرسے کوئی آسکتا ہے۔

انھوں نے کہا کہ عمران خان کو ری پلیس کرکے ان ہی کی پارٹی سے کسی اور کو لایا جائے گا یا کوئی باہر سے آئےگا۔ تین سے چھ ماہ لگ سکتے ہیں، کھچڑی جو پک رہی وہ کسی نتیجے پر پہنچے گی۔

منظوروسان کا کہنا ہے کہ دسمبرہمیشہ خطرناک ہوتا ہے۔ اب بہت ساری آڈیوزآئیں گی ویڈیوز بھی آئیں گی۔ پہلے بھی آڈیوزاورویڈیوز لیک ہوتی رہیں مگررزلٹ کوئی نہیں نکلے گا۔ کچھ لوگ ملک کو کس طرف لے کرجارہے ہیں پتہ نہیں کیا ہو۔