ذخیرہ اندوز اور ناجائز منافع خور اپنا قبلہ درست کر لیں، اسلم اقبال

تنزیلہ قریشی

08th Nov, 2021. 06:00 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

ذخیرہ اندوز اور ناجائز منافع خور اپنا قبلہ درست کر لیں، اسلم اقبال

صوبائی وزیر صنعت و تجارت میاں اسلم اقبال نے کہا ہے کہ ذخیرہ اندوز اور ناجائز منافع خور اپنا قبلہ درست کر لیں۔

میاں اسلم اقبال نے آٹا اور چینی کی صورتحال کا جائزہ لینے کیلئے لاہور کے مختلف علاقوں کا دورہ کیا، محکمہ زراعت اور خوراک کے سیکرٹریز کے علاوہ ڈپٹی کمشنر اور اسسٹنٹ کمشنرز بھی صوبائی وزیر کے ہمراہ تھے۔

صوبائی وزیر نے مختلف دکانوں اور اسٹورز پر چینی اور آٹے کی دستیابی اور قیمتوں کا جائزہ لیا۔

میاں اسلم اقبال نے دعویٰ کیا کہ چینی 90 روپے فی کلو اور 20 کلو آٹے کا تھیلہ 1100 روپے میں ہر جگہ دستیاب ہے۔

ان کا کہنا تھا کہ در آمدی چینی اور مقامی چینی کی مٹھاس اور غذائیت میں کوئی فرق نہیں، ذخیرہ اندوز اور ناجائز منافع خور اپنا قبلہ درست کر لیں۔

انہوں نے کہا کہ ناجائز منافع خور کے خلاف مقدمہ یا جرمانہ نہیں بلکہ دکان سیل کر دی جائے گی، دکانداروں کو اگر ڈیلروں سے چینی کے حصول میں مشکل آئے تو وہ ڈپٹی کمشنر آفس سے رابطہ کریں۔

صوبائی وزیر صنعت و تجارت میاں اسلم اقبال کا مزید کہنا تھا کہ پنجاب میں چینی اور آٹے کا وافر اسٹاک موجود ہے۔