فائزر ویکسین کی 15 لاکھ سے زائد خوراک پاکستان پہنچا دی گئیں۔

فائزر ویکسین کی 15 لاکھ 57 ہزار سے زیادہ خوراک پاکستان پہنچا دی گئی ، یہ کھیپ کوویکس پروگرام کے تحت دی گئی ہے۔

1,557,270 USG-donated Pfizer vaccine doses arrived in Pakistan Nov 13. This was the last shipment of the 9.6M Pfizer vaccine doses donated by the U.S. through #COVAX in October-November. We are proud to do our part to help vaccinate the people of Pakistan. #USPAK #Vax2Pak 🇺🇸🇵🇰 https://t.co/EwHoRURa5u

— U.S. Embassy Islamabad (@usembislamabad) November 15, 2021

امریکی سفارت خانے کے مطابق امریکا کی طرف سے کوویکس کے ذریعے عطیہ کردہ فائزر ویکسین پاکستان پہنچا دی گئیں۔

امریکی سفارت خانہ نے اپنے بیان میں کہا کہ ہمیں پاکستان کے لوگوں کو ویکسین دینے میں اپنا کردار ادا کرنے پر فخر ہے۔

امریکی سفارت خانہ نے مزید کہا کہ مجموعی طور پر ڈھائی کروڑ کورونا ویکسین کی خوراکیں پاکستان کو عطیہ کرچکے ہیں جبکہ ویکسین غیر مشروط طور پر پاکستان کو عطیہ کی گئی۔

واضح رہےکہ ملک بھر میں کورونا مثبت کیسز کی شرح 0.73 فیصد ہو گئی ہے۔

نیشنل کمانڈ اینڈ آپریشن سینٹر (این سی اوسی) کے جاری کردہ اعداد و شمارکے مطابق گزشتہ 24 گھنٹوں کے دوران کورونا کے مزید 240 نئے کیسز کی تصدیق ہوئی ہے جبکہ گزشتہ 24 گھنٹوں کے دوران کورونا سے مزید 06 افراد انتقال کر گئے ہیں۔

ملک میں کورونا سے ہلاکتوں کی تعداد 28606 ہو گئی اور مجموعی کیسز 12 لاکھ 79 ہزار 636 تک جا پہنچے ہیں جب کہ فعال کیسز کی تعداد 22855 ہے۔

این سی اوسی کے مطابق 24 گھنٹوں کےدوران32 ہزار 466 کورونا ٹیسٹ کیےگئے۔

Statistics 15 Nov 21:
Total Tests in Last 24 Hours: 32,466
Positive Cases: 240
Positivity %: 0.73%
Deaths : 06
Patients on Critical Care: 1111

— NCOC (@OfficialNcoc) November 15, 2021

اس کے علاوہ 24 گھنٹوں کے دوران ملک بھر میں 298 مریض کورونا سے صحتیاب بھی ہوئے ہیں جس کے بعد مجموعی طور پر صحتیاب ہونے والوں کی تعداد 12 لاکھ 28 ہزار 473 ہو گئی ہے۔