غلام سرور خان نے کہا ہے کہ قومی ایئرلائن پی آئی اے کے نئے سی ای او کی تقرری کیلئے کارروائی کا آغاز کر دیا گیا ہے۔
وفاقی وزیر ہوابازی غلام سرور خان نے میڈیا سے گفتگو کرتے ہوئے کہا ہے کہ موجودہ سی ای او ارشد ملک کی مدت مارچ 2022 میں مکمل ہوجائے گی۔
انہوں نے کہا کہ ایئرمارشل ارشد ملک کو تین سال کے لیے سی ای او پی آئی اے مقرر کیا گیا تھا ، ایوی ایشن پالیسی پر نظر ثانی سے خلیجی ایئر لائنز کو دیے گئے حقوق کو منصفانہ بنایا جائے گا ، پاکستان میں سیکورٹی کے حالات میں بہتری کے باعث کئی غیر ملکی ایئر لائنز نے پاکستان آمد پر آمادگی کا اظہار کیا ہے۔
وفاقی وزیر ہوابازی نے کہا کہ عالمی ہوابازی کی ٹیم نے سی اے اے سیفٹی آڈٹ آج سے شروع کردیا ہے ، امید ہے کے سی اے اے سمیت پی آئی اے کے حوالے سے اعتراضات کا خاتمہ ہو گا۔
وفاقی وزیر ہوابازی غلام سرور خان نے کہا کہ برطانوی محکمہ ٹرانسپورٹ کے وفد کی آمد سے پی آئی اے کی براہ راست پروازوں پر عائد پابندی کے خاتمے میں مدد ملے گی۔
Advertisement
Advertisement
Advertisement
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News
Advertisement
