فرانس: شہری کا غبارے پر کھڑے ہونے کا عالمی ریکارڈ

کلثوم ہرا

11th Nov, 2021. 10:22 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

فرانس: شہری کا غبارے پر کھڑے ہونے کا عالمی ریکارڈ

فرانسیسی شہری نے ہزاروں میٹر کی بلندی پر ہوا میں اُڑنے والے غبارے پر کھڑے ہو کر نیا عالمی ریکارڈ بنا لیا۔

غیر ملکی خبر رساں ادارے کے مطابق 28 سالہ ریمی اوورارڈ نے ہوا میں اُڑنے والے غبارے پر کھڑے ہو کر دنیا کو حیران کردیا۔

ریمی اوورارڈ نے یہ کرتب فرانس میں اعصابی امراض سے متعلق تحقیق کے لئے ہونے والے سالانہ ٹیلی تھون میں کیا۔

ریمی تقریباً ڈیڑھ گھنٹے تک 3 ہزار 637 میٹر کی بلندی پر غبارے پر کھڑے رہے۔

یہ ریکارڈ قائم کرنے کے بعد ریمی نے گفتگو کرتے ہوئے بتایا کہ میں اگلے سال ہونے والی ایک مہم کے لئے ابھی سے تیاری کر رہا ہوں، جب میں 35 ہزار کی بلندی پر پہنچا تو میں نے خود سے کہا کہ میں 4 ہزار میٹر کی بلندی پر بھی جا سکتا ہوں۔

واضح رہے کہ ریمی اوورارڈ اس سے قبل بھی غبارے پر کھڑے ہو کر 1 ہزار 200 سے زائد میٹر کی بلندی پر جاچکے ہیں اور آج انہوں نے اپنا پچھلا ریکارڈ خود ہی توڑ دیا۔