وزیراعظم عمران خان نے کہا ہے کہ منافع خوری اور ذخیرہ اندوزی کسی صورت برداشت نہیں کی جائے گی۔

عمران خان کی زیرصدارت پرائس کنٹرول سے متعلق اجلاس ہوا جس میں فیصلہ کیا گیا کہ موجود چینی کے مکمل اسٹاک کو مارکیٹ میں فروخت کیلئےلایا جائے  گا جبکہ 15  نومبر سے ملک بھرمیں گنےکی کرشنگ کا آغاز کیا جائے گا اور کرشنگ قوانین پر سختی سے عملدرآمد کو یقینی بنایا جائے گا۔

اجلاس میں چینی کے اسٹاک اور قیمتوں کے حوالے سے تفصیلی بریفنگ دیتے ہوئے بتایا گیا کہ اس وقت ملک میں وافر مقدار میں چینی موجود ہے۔

بریفنگ دیتے ہوئے مزید کہا گیا کہ سندھ میں شوگر ملزکی بندش کے فیصلے سے قیمتیں بڑھیں ہیں ، سندھ نے گندم بحران میں بھی وفاق اور دیگرصوبوں کے فیصلوں سے اختلاف کیا۔

اجلاس کی صدارت کرتے ہوئے عمران  خان نے کہا کہ شوگر فیکٹریز کنٹرول ترمیمی ایکٹ 2021اورقوانین پر ہر صورت عمل کرایا جائے۔

وزیراعظم کا کہنا تھا کہ حکومت مہنگائی کے اثرات کااحساس رکھتی ہے، حکومت کی سیاست سے بالاتر ہو کر عوامی خدمت پر توجہ مرکوز ہے۔

 عمران خان کا یہ بھی کہنا تھا کہ بین الاقوامی مارکیٹ میں اشیا کی قیمتیں بڑھ رہی ہیں ، عوام کو ریلیف دینے کیلئےصوبائی،ضلعی حکومتیں فیلڈ میں نظر آئیں۔

وزیراعظم نے کہا کہ پاکستان درآمدی اشیاپر انحصار کرتا ہے اس لیے مقامی مارکیٹ پر اثر آیا،حکومت غریب طبقے پر بوجھ کم کرنے کیلئے ہر ممکن اقدامات کررہی ہے۔

عمران خان نے یہ بھی کہا کہ عمران خان نے کہا احساس پروگرام کی دیگر اسکیمیں غریب کوریلیف دینےکیلئےجاری کی گئی ہیں، عوام کے سامنے حقائق اور اعداد و شمار پیش کئےجائیں۔

وزیراعظم عمران خان کا مزید کہنا تھا کہ قانون کے مطابق ذخیرہ اندوزوں ،ناجائز منافع خوروں کیخلاف کارروائی کریں، منافع خوری اور ذخیرہ اندوزی کسی صورت برداشت نہیں کی جائے گی۔