وزیراعظم کی زیر صدارت وفاقی کابینہ کا اجلاس آج ہوگا۔

وزیر اعظم عمران خان آج وفاقی کابینہ کے اجلاس میں کابینہ اراکین کو او آئی سی اجلاس کے بارے میں اعتماد میں لیں گے۔

وفاقی کابینہ 14 نکاتی ایجنڈے پر غور کرے گی۔

کابینہ کو ملک میں مہنگائی کی صورتحال بارے بریفنگ دی جائے گی۔

کابینہ اجلاس میں بیرونی قرضوں اور سود کی ادائیگی میں ٹیکس چھوٹ کی منظوری دی جائے گی۔

یہ بھی پڑھیں: وزیراعظم کی اہلیت کے خلاف دائر درخواست سماعت کیلئے مقرر

وزارتوں اور ڈویژنز میں ڈیلی ویجز ملازمین کو ریگولرائز کرنے کی منظوری ایجنڈے میں شامل ہے۔

کابینہ اجلاس میں کونسل آف چارٹڈ اکاونٹنٹس کے لیے ناموں کی منظوری دی جائے گی۔

نیشنل کمیشن فار چائلڈ رائٹس میں کے پی ممبر کی تعیناتی کی منظوری دی جائے گی۔

آئی سی ٹی پولیس ایکٹ 2021 کے مسودے کی منظوری بھی دی جائے گی۔

اجلاس میں شمشاد اختر کو پورٹ قاسم اتھارٹی بورڈ کا ممبر نامزد کرنے کی منظوری دی جائے گی۔

نیشنل فوڈ سیکیورٹی اینڈ مینجمنٹ کمیٹی اور ایگزیکٹو کمیٹی کی تشکیل کی جائے گی۔

بیرون ملک پاکستانی مشنز میں کمیونٹی ویلفیئر اتاشیوں کی نامزدگیاں کی منظوری دی جائے گی۔

جینکو ہولڈنگ کمپنی کے بورڈ آف ڈائریکٹرز میں ڈائریکٹر کے نام کی منظوری ایجنڈے میں شامل ہے۔

جامشورو پاور کمپنی کے بورڈ آف ڈائریکٹر میں ممبر کی ڈائریکٹر کی تعیناتی کی جائے گی۔

میپکو میں چیف ایگزیکٹیو آفیسر کی تقرری کی منظوری بھی ایجنڈے کا حصہ ہے۔