ٹوئٹر نے صوتی (آڈیو)  گفت گو کے لیے متعارف کرائے گئے ٹول Spaces میں موجود ریکارڈنگ فیچر کو اینڈروئیڈ صارفین کے لیے جاری کردیا ہے۔ 

ٹوئٹر کے آفیشل اکاؤنٹ سے ہونے والی ٹوئٹ کے مطابق سوشل میڈ یا پلیٹ فارم نے اپنےاینڈروئیڈ اور آئی او ایس صارفین کے ساتھ ساتھ  کمپیوٹر استعمال کرنے والے استعمال کنندگان کے لیے بھی اسپیس ریکارڈنگ کو دوبارہ سننے اور شیئر کرنے کا آپشن کھول دیا ہے۔

ٹوئٹر کے اس حالیہ اقدام نے مائیکرو بلاگنگ جائنٹ کے Spaces فیچر کو روایتی پوڈ کاسٹ کے ساتھ مزید مربوط کردیا ہے، کیوں کہ اب استعمال کنندگان لائیو براڈ کاسٹ ختم ہونے کے بعد بھی ریکارڈ ہونے والی بات چیت کو بھی سن سکتے ہیں۔

ٹوئٹر نے یہ ٹول حال ہی میں سوشل آڈیو ایپ کلب ہاؤس کی جانب سے متعارف کرائے گئے ری پلے آپشن  کے بعد متعارف کرایا ہے، کلب ہاؤس کے استعمال کنندگان اس فیچر کی بدولت لائیو رومز کو ریکارڈ اور انہیں بعد میں شیئر بھی کر سکتے تھے۔

Advertisement

Some updates on recorded Spaces:

▪️ The option to record a Space is available for some hosts on both iOS and Android.
▪️ The option to listen to a recording of a Space is available for everyone on iOS, Android, and now web!

— Twitter Support (@TwitterSupport) December 6, 2021

 ٹوئٹر اپنے استعمال کنندگان کو آئی او ایس ( ایپل) اور اینڈروئیڈ پر Spaces ریکارڈ کرنے کا اہل بنانے کے لیے کچھ میزبان (ہوسٹ) بھی فراہم کر رہا ہے۔ اس سے قبل یہ فیچر ابتدائی طور پر صرف اکتوبر میں لانچ کیے گئے ریکارڈڈ اسپسز کے لیے منتخب  ہوسٹس کے لیے دست یاب تھا۔

اس فیچر کو استعمال کرنے کے لیے Spaces ہوسٹ اپنا لائیو آڈیو روم تخلیق کر نے کے لیے اپنے Spaces  کو ٹائٹل اور اس روم کے اغراض و مقاصد کو بیان کرنے والے تین ٹیگس کے ساتھ تخلیق کرے گا۔

میزبان کواپنا لائیو آڈیو سیشن شروع کرنے سے قبل سیٹگنز میں جا کر ’ ریکارڈ اسپیس‘ کے بٹن پر ٹیپ کرنا ہوگا، اگر استعمال کنندہ پہلے سے ہیریکارڈ ہونے والے ٹوئٹر اسپیس میں ہوا تو اسے  سرخ نقطے کے ساتھ  ’Rec ‘ بٹن دکھائی دے گا۔

جب میزبان اپنا اسپیس ختم کرنے کے لیے تیار ہوگا تو اسے سیدھے ہاتھ پر اوپر کی طرف موجود ’End‘ بٹن پر ٹیپ کرنا ہوگا۔ اس بٹن پر ٹیپ کرتے ہی ایک ڈائیلاگ باکس کھل جائے گا، جس میں اس سے اسپیس اور ریکارڈنگ دونوں ختم کرنے کی تصدیق کی جائے گی۔ یہ مرحلہ مکمل ہونے کے بعد اسپیس کی ریکارڈنگ کو ٹوئٹر پلیٹ فارم پر کہیں بھی شیئر کیا جاسکتا ہے۔ اور استعمال کنندگان اسے دوبارہ سننے کے ساتھ ساتھ اپنے طور پر دوبارہ شیئر بھی کر سکتے ہیں۔