ماحولیاتی آلودگی میں پاکستان کا حصہ نہ ہونے کے برابر ہے، وزیراعظم

ویب ڈیسک

06th Dec, 2021. 07:27 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

ماحولیاتی آلودگی میں پاکستان کا حصہ نہ ہونے کے برابر ہے، وزیراعظم

وزیراعظم نے کہا ہے کہ ماحولیاتی آلودگی میں پاکستان کا حصہ نہ ہونے کے برابر ہے۔

وزیراعظم عمران خان کی زیرصدارت کمیٹی برائے موسمیاتی تبدیلی کا اجلاس ہوا جس میں وزیر اعظم نے شہری علاقوں کے لئے فوری طویل المدتی منصوبہ بندی پر زور دیا۔

اجلاس میں وزیراعظم کو بریفنگ دیتے ہوئے کہا گیا کہ فضائی آلودگی کے مسائل نومبر سے شروع ہوئے جو کہ سب سے خشک مہینہ تھا، جس سے پنجاب کے بیشتر علاقے متاثر ہوئے۔

اجلاس کی صدارت کرتے ہوئے وزیراعظم عمران خان نے کہا کہ موسمیاتی تبدیلی کے اثرات پاکستان پر بہت زیادہ ہیں۔

وزیراعظم کا کہنا تھا کہ پاکستان موسمیاتی تبدیلی کے مسئلے کا حصہ نہیں لیکن ہم اس کے حل کا حصہ بننا چاہتے ہیں،آلودگی پر قابو پانے کے لیے طویل مدتی پائیدار شہری صفائی کے منصوبے کی ضرورت ہے۔

عمران خان نے کہا کہ اگلی نسل کو صاف ستھرا مستقبل فراہم کرنے کی ذمہ داری موجودہ نسل پرعائد ہوتی ہے، حیاتیاتی تنوع کا نقصان جنگلات کی کٹائی اور جنگلات کی زمین پر تجاوزات کی وجہ سے ہے۔

وزیراعظم عمران خان نے مزید کہا کہ صاف ستھرا مستقبل فراہم کرنے کی ذمہ داری موجودہ نسل کے کندھوں پر ہے، ہماری آنے والی نسلوں کو محفوظ ماحول فراہم کرنے کے لیے موسمیاتی تبدیلی کے موافق اقدامات کی ضرورت ہے۔