موسم سرما میں گیس کے بل میں اضافہ ہو جاتا ہے ،سردیوں میں گیس کے بل میں کمی کو کیسے ممکن بنایا جا سکتا ہے آئیے آپ کو گیس کا بل کم کرنے کے طریقے بتاتے ہیں۔

اسٹیل سے بنا ہوا بنا گیس کا چولہا جس کو چلانے کے لئے گیس کی ضرورت نہیں ہوتی بلکہ لکڑی کے چھوٹے بلٹ ڈال کر ان پر مٹی کے تیل کا اسپرے کریں اس سے آگ جل جائے گی۔

اس کے علاوہ سردیوں میں سب ہی گیزر کو استعمال کرتے ہیں تو اس کی مانگ میں بھی اضافہ ہوجاتا ہے اس کے بدلے میں ہم آپ کو پانی گرم کرنے کا طریقہ بتاتے ہیں۔

آج کل بازار میں الیکٹرک انسٹنٹ واٹر ہیٹر دستیاب ہے جو بجلی کی مدد سے چلتا ہے۔

آپ اس کو پانی کے نل کی جگہ لگالیں پھر گرم پانی استعمال کریں ،اس کا درجہ حرارت اپنے حساب سے سیٹ کرلیں۔

اس کا سب سے بڑا فائدہ یہ ہے کہ آپ کو گیس کے اضافی بل کی فکر نہیں ہوگی اور یہ بجلی کے یونٹ بھی زیادہ استعمال نہیں کرتا۔

اس کے علاوہ سردی میں سیلنڈر، انگھیٹی اور کوئلے جلانے سے بہتر ہے کہ آپ ہیٹر والا کمبل خرید لائیں۔

یہ مختلف قسم کا ہوتا ہے جس کے چاروں کونوں پر ہیٹنگ تاریں لگی ہوتی ہیں جن کو ڈیوائس کنٹرول کرتی ہے۔

 کچھ کمبل ایسی ہوتی ہیں جن میں چھوٹی سم کے سائز کی چپ لگی ہوتی ہے اور کچھ الیکٹرک کمبل ایسے ہوتے ہیں جن میں ریموٹ موجود ہوتا ہے اور اس کا ایک تار ہوتا ہے جس میں سے بیٹری سے ہیٹ آتی رہتی ہے اور جسم گرم ہوتا ہے۔

لیکن اس کا استعمال احتیاط کے ساتھ کرنا لازمی ہیں، اس کو 1 یا 2 گھنٹے بھی اوڑھ کر رکھیں تو 4 سے 5 گھنٹے تک آپ کو گرماہٹ کا احساس ہوتا رہتا ہے۔

اگر نیند میں آنکھ لگ جائے تو یہ دھیان رکھیں کہ اس کا ریموٹ بستر سے دور ہو، کوشش یہ کریں کہ رات بھر اس کو آن نہ رکھیں۔