آئی فون میں ایک ایسا انوکھا فیچر چھپا ہے جو اب تک بہت سے استعمال کنندگان کی نظروں سے اوجھل ہے۔

اسمارٹ فون میں اسکرین شاٹ لینے کا طریقہ ہر کمپنی نے مختلف رکھا ہوا ہے، کسی  موبائل میں والیوم ڈاؤن اور ہوم بٹن ایک ساتھ دبا کر اسکرین شاٹ لیا جاتا ہے تو کسی موبائل میں اس مقصد کے لیے ایک ڈیڈیکیٹڈ بٹن دیا ہوا ہے جواستعمال کنندہ کو ضرورت کے لحاظ سے صرف اسکرین کے مطلوبہ حصے یا پوری اسکرین کا اسکرین شاٹ لینے کا اہل بناتا ہے۔

جب بات آتی ہے دنیا بھر میں اسٹیٹس سمبل سمجھے جانے والے ایپل آئی فون کی، تو یہ اس ڈور میں بھی غالباً سب سے موبائل ساز کمپنیوں سے آگے نکل گیا ہے۔

آئی فون پر اسکرین شاٹ لینے کے لیے عموماً پاور اور والیوم اپ بٹن کو ایک ساتھ دبایا جاتا ہے، جب کہ ٹچ آئی ڈی والے آئی فون میں یہ کام ہوم اور پاور بٹن کو ایک ساتھ دبا کر کیا جاتا ہے۔

 لیکن آج ہم آپ کو آئی فون مین اسکرین شاٹ لینے کا ایک اچھوتا اور دلچسپ طریقہ بتا رہے ہیں، جس کی مدد سے آپ اپنے دوستوں کو بھی حیران کر سکتے ہیں۔ اور اس کے لیے آپ کو دو بٹن ایک ساتھ دبانے کی زحمت بھی نہیں کرنی پڑی گی اورصرف ایک انگلی کی مدد سے بیک پینل کو تھپتپھا کراسکرین شاٹ لے سکیں گے۔

آئی فون میں اسکرین شاٹ کا یہ اچھوتا فیچر کہاں چھپا ہے ؟

ایپل کمپنی نے آئی او ایس 14 اپ ڈیٹ میں اپنے استعمال کنندگان کے لیے ایک نیا فیچر’ accessibility ‘ متعارف کرایا، جس کی مدد سے اسکرین شاٹ کو محفوظ کرنا زیادہ آسان ہوگیا ہے۔ لیکن یاد رہے کہ یہ فیچر صر ف آئی فون 8 اور اس کے بعد آنے والے ماڈل میں ہے۔

Accessibility فیچر میں آپ کی بصری( ویژن)، جسمانی ( فزیکل) سماعت، ( ہیئرنگ) کے مطابق سیکھنے کی ضروریات کو سپورٹ کرنے والے متعدد فیچر فراہم کیے گئے ہیں۔

1۔         اپنے آئی فون میں سیٹنگز( ترتیبات) کو اوپن کریں۔

2۔         اسکرول ڈاؤن کرکے نیچے آئیں اور Accessibility پر ٹیپ کریں۔

3۔         یہاں موجود فزیکل اینڈ موٹر آپشن کے نیچے موجود Touch آپشن پر ٹیپ کریں۔

4۔         اب  بیک ٹیپ (Back Tap )  پر ٹیپ کریں۔ یہاں آپ کو دو آپشنز ’ ڈبل ٹیپ‘ اور ’ ٹرپل ٹیپ‘ دکھائی دیں گے، آپ اپنی مرضی کے حساب سے اسکرین شاٹ کےلیے کسی ایک آپشن کو منتخب کرسکتے ہیں۔

5۔         System کے نیچے موجود Screenshot پر ٹیپ کریں۔

یہ سارے مراحل مکمل کرنے کے بعد اب آپ اپنے آئی فون کے بیک پینل پر محض ’دو بار‘ یا ’تین بار‘ تھپتپھا کر اسکرین شاٹ لے سکیں گے، دلچسپ بات یہ ہے کہ یہ فیچر آپ کے آئی فون پر حفاطتی کورموجود ہونے کے باوجود بھی کام کرنے کا اہل ہے۔

آئی فون  استعمال کنندگان Accessibility فیچر میں موجود اس ’ ڈبل ٹیپ‘ اور ’ ٹرپل ٹیپ‘ فیچر کو اسکرین شاٹ کے علاوہ کیمرے تک رسائی، نوٹیفیکیشن سینٹر، کنٹرول سینٹر سمیت دیگر بہت سے فنکشنز کے لیے بھی استعمال کرسکتے ہیں۔