سوٹ کیس میں بند چھپکلی فلوریڈا سے برطانیہ جاپہنچی

حنا یوسف

03rd Dec, 2021. 12:29 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

سوٹ کیس میں بند چھپکلی فلوریڈا سے برطانیہ جاپہنچی

ایک دلچسپ واقعے میں سبز اینول قسم کی چھپکلی نے سوٹ کیس میں بیٹھ کر مزے سے 4500 طویل سفر طے کرلیا ہے۔ اس طرح وہ فلوریڈا سے اڑی اور اس نے برطانیہ کی زمین پر قدم رکھا۔

برطانیہ میں جانوروں کے تحفظ اور انہیں بچانے والے افراد نے اس چھپکلی کو برآمد کرلیا ہے اور اس وقت بھی وہ زندہ تھی۔

چون سالہ خاتون راشیل بونڈ فلوریڈا، امریکہ سے برطانیہ کےعلاقے وٹلی بے کے علاقے میں پہنچی۔ جب وہ سامان کھول کر نیچے پہنچی تو ان کی والدہ نے چیخ کر کہا ہے کہ اس کی خوابگاہ میں ایک چھپکلی ہے جو بھاگ کر تکئے کے نیچے گھس گئی تھی۔

یہ چھپکلی فلوریڈا میں عام پائی جاتی ہے اور برطانیہ میں نہیں پائی جاتی۔ اس کے بعد برطانیہ میں جانوروں کی بقا اور تحفظ کےادارے آرایس پی سی اے سے رابطہ کیا۔ ان کا عملہ فوری گھر پہنچا اور خوشی کا اظہار کیا کہ شدید سردی اور طویل سفر کے باوجود وہ زندہ رہی اور ہزاروں میل دور اب برطانیہ پہنچ چکی ہے۔