اسٹیٹ بینک کی نئی ’آسان موبائل اکاؤنٹ‘ اسکیم؛ اب بینک جائے بغیر اکاؤنٹ کھولیں

ویب ڈیسک

12th Dec, 2021. 02:40 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

اسٹیٹ بینک کی نئی ’آسان موبائل اکاؤنٹ‘ اسکیم؛ اب بینک جائے بغیر اکاؤنٹ کھولیں

اسٹیٹ بینک کی جانب سے ’آسان موبائل اکاؤنٹ‘ اسکیم کا آغاز کیا جارہا ہے جس کے تحت اب صارفین گھر بیٹھے ناصرف بینک اکاؤنٹ کھول سکیں گے بلکہ آپریٹ بھی کریں گے۔

اسٹیٹ بینک آف پاکستان کے جاری اعلامیے کے مطابق 13 دسمبر سے ’’آسان موبائل اکاؤنٹ‘‘ کے نام سے نئی سہولت شروع کی جارہی ہے۔ اس کا مقصد برانچ لیس بینکنگ میں ریموٹ اکاؤنٹ میں مزید آسانی پیدا کرنا ہے۔

یہ خبر بھی پڑھیے: مہنگائی میں کمی کیلئے اقدامات کئے جا رہے ہیں

اسکیم کے تحت صارفین بینکوں میں جائے بغیر ہی ناصرف اپنے اکاؤنٹ کھول سکیں گے بلکہ انہیں آپریٹ بھی کریں گے۔

آسان موبائل اکاؤنٹ انٹر نیٹ تک رسائی نہ رکھنے والے کم آمدنی والے طبقات کے لیے اہم کردار ادا کرے گا۔ آسان موبائل اکاؤنٹ خواتین صارفین کو میدان میں لانے کے لیے بھی ایک بہترین طریقہ ہے۔

یہ خبر بھی پڑھیے: نوٹوں کے نئے ڈیزائن کے حوالے سے اسٹیٹ بینک کا اعلان

مرکزی بینک کا کہنا ہے کہ ’آسان موبائل اکاؤنٹ‘ کے لیے برانچ لیس بینکنگ پرووائیڈرز اور سیلولر فون آپریٹرز ایک انٹرآپریبل پلیٹ فارم مہیا کرنے کے لیے مل کر کام کررہے ہیں۔ یہ طریقہ کار اسٹیٹ بینک، پی ٹی اے نادرا اور برانچ لیس بینکنگ کے 13 پرووائیڈرز، تمام سیلولر فون آپریٹرز (سی ایم اوز) اور ورچوئل ریمی ٹنس گیٹ وے (وی آر جی) کے اشتراک سے تیار کیا گیا ہے۔