عمران خان ہی وہ لیڈر ہیں جو سیاسی مفادات کے بجائے ملک کیلئے سوچتے ہیں، فواد چوہدری

ویب ڈیسک

20th Dec, 2021. 10:15 am
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

عمران خان ہی وہ لیڈر ہیں جو سیاسی مفادات کے بجائے ملک کیلئے سوچتے ہیں، فواد چوہدری

وفاقی وزیر اطلاعات و نشریات فواد چوہدری کا کہنا ہے کہ عمران خان ہی وہ لیڈر ہیں جو اپنے سیاسی مفادات کو پس پشت ڈال کر ملک اور لوگوں کے لئے سوچتے ہیں۔

اپنی ٹوئٹ میں فواد چوہدری نے کہا کہ خیبر پختونخوا کے بلدیاتی انتخابات کئی حوالوں سے اہم ہیں، پہلی بار تحصیل کی سطح پر براہ راست ووٹ سے منتخب نمائندوں کو اختیارات منتقل ہو رہے ہیں، مضبوط مقامی حکومت کا وعدہ صرف عمران خان نے پورا کیا اور پہلی بار حکومت نے شفاف اور غیر جانبدارانہ انتخابات کروائے۔

وفاقی وزیر نے مزید کہا کہ صرف عمران خان ہی وہ لیڈر ہیں جو اپنے سیاسی مفادات کو پس پشت ڈال کر ملک اور لوگوں کے لئے سوچتے ہیں ورنہ کتنا آسان ہے وزیراعلیٰ کی صورت میں ایک ڈکٹیٹر رکھو اور کام چلاؤ، جو پاکستان پیپلز پارٹی اور مسلم لیگ (ن) کی روایت ہے۔

فواد چوہدری نے کہا کہ سندھ کےلوگ آج بھی اسی رویے کا شکار ہیں، لیکن اب پنجاب میں بھی بااختیار نظام قائم ہونے جارہا ہے۔

واضح رہے کہ گزشتہ روز خیبر پختونخوا کے 17 اضلاع میں بلدیاتی انتخابات ہوئے لیکن تحریک انصاف کو کئی اضلاع میں خلاف توقع شکست ہوئی ہے۔ خیبر پختونخوا میں تحریک انصاف کے رہنماؤں نے اپنی شکست کی بڑی وجہ مہنگائی کو قرار دیا ہے۔