معاون خصوصی وزیرِ اعلیٰ پنجاب برائے اطلاعات و ترجمان حکومت پنجاب حسان خاور نے کہا ہے کہ وزیر اعلیٰ پنجاب سردار عثمان بزدار کے ویثرن کے مطابق سیاحت کو ترقی دیں گے۔

حسان خاور کی زیرِ صدارت محکمہ سیاحت کا اعلیٰ سطحی اجلاس ہوا جس میں آرکیالوجی، میوزیم، ٹورزم سروسز ڈیپارٹمنٹ (ڈی ٹی ایس) اور ٹی ڈی سی پی کے اعلیٰ عہدیداران نے شرکت کی۔

  اجلاس میں حسان خاور کو محکمہ سیاحت کی ترقیاتی سکیموں پر بریفنگ دی گئی جبکہ اجلاس میں سیاحت، آرکیالوجی، ڈی ٹی ایس کے شعبہ جات اور پراجیکٹس پر تفصیلی تبادلہ خیال کیا گیا۔

اجلاس میں سیاحت کے سالانہ ترقیاتی پروگرام اور سکیموں کا بھی جائزہ لیا گیا۔

معاون خصوصی نے محکمہ کو درپیش مسائل سے بھی آگاہی حاصل کی، ریسٹ ہاؤسز، ہوٹلز، ریسٹورنٹس، ٹریول ایجنسیز، ٹورسٹ پوائنٹس حوالے سے پراجیکٹس پر بھی آگاہی حاصل کی۔

 اجلاس میں معاون خصوصی وزیرِ اعلیٰ پنجاب برائے اطلاعات و ترجمان حکومت پنجاب حسان خاور کا کہنا تھا کہ محکمہ سیاحت میں انقلابی ریفارمز لائیں گے، وزیر اعلیٰ پنجاب کے ویثرن کے مطابق سیاحت کو ترقی دیں گے۔

 ان کا مزید کہنا تھا کہ ہر ڈسٹرکٹ کے ٹوارزم پوٹینشل کے مطابق سیاحت کو فروغ دیا جائے گا۔