دہشتگرد تنظیم القاعدہ نے جمعہ کے روز یمن میں امریکی حملے میں اپنے ایک کمانڈر صالح بن سالم بن عبید عبولان جو ابو امیر الحضرمی کی ہلاکت کا باقاعدہ اعلان کردیا ہے۔

اس سے قبل صالح بن سالم کی ہلاکت کی خبر انٹرنیٹ پر مسلح گروپوں کی سرگرمیوں پر نظر رکھنے والی ویب سائٹ “سائٹ انٹیل گروپ” نے دی تھی۔

روئٹرز کے مطابق سائٹ کی ڈائریکٹر ریٹا کاٹز نے کہا کہ ابو امیر الحضرمی کے نام سے مشہور صالح بن سالم کو قتل کر دیا گیا ہے، مگر نے گروپ حیرت انگیز طور پر  قتل کی تاریخ یا جگہ کا ذکر نہیں کیا۔

خیال رہے کہ القاعدہ کے مقتول رہنما اسامہ بن لادن کے قریبی معاونین میں شامل ہیں۔

ریٹا کاٹز نے ٹویٹر پر ایک امریکی فضائی حملے کی رپورٹ کا بھی حوالہ دیا جس میں 14 نومبر کو داعش کے تین جنگجو مارے گئے تھے۔

BREAKING: AQAP announces death of military commander/former Bin Laden associate Salih bin Salim bin Ubayd ’Abolan (AKA Abu 'Umayr al-Hadhrami) in US airstrike in Yemen. Strange that group did not specify date/location. Reports show US airstrike killed 3 AQAP militants on Nov. 14. https://t.co/NkAv5Fzh6f pic.twitter.com/8FrdCm24ue

— Rita Katz (@Rita_Katz) January 20, 2022

واضح رہے کہ یمن کی سعودی حمایت یافتہ حکومت اور دارالحکومت پر کنٹرول کرنے والے حوثی باغیوں کے درمیان برسوں سے جاری خانہ جنگی اور افراتفری میں شدت پسند گروہ القاعدہ نے ترقی کی ہے۔

جبکہ واشنگٹن القاعدہ کو دنیا بھر میں انتہا پسند نیٹ ورک کی سب سے خطرناک شاخ سمجھتا ہے۔

پاکستان نے بھی القاعدہ کو کالعدم تنظیم قرار دیا ہوا ہے۔