بپن راوت کو تاریخ میں انسانیت کے قاتل کے طور پر یاد رکھا جائے گا، مشعال ملک

ویب ڈیسک

14th Jan, 2022. 07:30 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

بپن راوت کو تاریخ میں انسانیت کے قاتل کے طور پر یاد رکھا جائے گا، مشعال ملک

حریت رہنما یاسین ملک کی اہلیہ مشعال ملک نے کہا ہے کہ جنرل بپن راوت کو انسانی تاریخ میں انسانیت کے قاتل کے طور پر یاد رکھا جائے گا۔

مشعال ملک نے کہا کہ بھارتی آرمی چیف کی حیثیت سے ان کے دور میں مقبوضہ کشمیر میں تشویشناک حد تک کشمیریوں کو شہید کیا گیا۔

انہوں نے کہا کہ بدنام زمانہ بپن راوت نے بھارت کو مسلمانوں اور دیگر اقلیتوں کے لیے غیر محفوظ جگہ بنانے کے آر ایس ایس کے تربیت یافتہ نریندر مودی کے ایجنڈے کو عملی جامہ پہنانے کے لیے وادی کشمیر کو جہنم میں تبدیل کر دیا۔

مشعال ملک نے کہا کہ عالمی برادری اور عالمی طاقتوں کو بھارت کو اقلیتوں کے خلاف اس کے جرائم کا جوابدہ ٹھہرانا چاہیے۔

انہوں نےکہا کہ ہندوستان میں انتہائی دائیں بازو کے ہندو رہنما کھلے عام مسلمانوں کے خلاف نسل کشی کا مطالبہ کر رہے ہیں۔

اس موقع پر چئیرمین پیس اینڈ کلچر آرگنائزیشن نے کہا کہ مودی بھارت کو اقلیتوں سے پاک کرنے کے ظالمانہ مشن پر ہیں، دنیا کو بھارت میں جاری مسلمانوں مقبوضہ کشمیر سمیت دیگر اقوام پر ہونیوالے مظالم کا نوٹس لینے کی ضرورت ہے۔

انہوں نے کہا کہ مودی کے دور حکومت میں ہندوستان میں مسلمانوں اور دیگر اقلیتوں کے خلاف نفرت انگیز جرائم میں خطرناک حد تک اضافہ ہوا۔

چئرمین پیس اینڈ کلچر آرگنائزیشن نے کہا کہ بھارت میں مذہبی اقلیتوں پر بلا روک ٹوک حملے عالمی برادری کے لیے ایک چیلنج ہیں۔