پاکستان میں 10 ارب سے 15 ارب ڈالرزسرمایہ کاری کی راہ ہموارہونے کے امکانات، سعودی38 رکنی کاروباری وفد شیڈول کے مطابق آج شام پاکستان پہنچے گا۔ 

ذرائع کا کہنا ہے کہ پاک سعودی سرمایہ کاری کاابتدائی سیشن کل صبح ساڑھے8 بجے شروع ہوگا، پاکستانی حکام سعودی وفد کو سرمایہ کاری کے مواقعوں پر بریفنگ دیں گے، سعودی وفد کے سربراہ کی جانب سے ابتدائی سیشن میں خطاب بھی کیاجائےگا۔

ذرائع کے مطابق پاکستان کےوزیرتجارت ابتدائی سیشن میں اختتامی خطاب کریں گے، پاکستانی اورسعودی وفود کے درمیان بزنس ٹو بزنس اجلاس بھی کل شیڈول ہیں، پاکستان میں مختلف شعبوں میں سرمایہ کاری کے مواقعوں پر بات چیت ہوگی، سعودی کاروباری وفد کا دورہ پاکستان 7 مئی تک شیڈول ہے۔

ذرائع کا یہ بھی کہنا ہے کہ اسسٹنٹ وزیرسرمایہ کاری کی قیادت میں سعودی کاروباری وفد پاکستان آرہا ہے، سعودی وفد کےساتھ ریکوڈک منصوبے پرمذاکرات جاری رکھنے کے معاملےپر بات ہوگی، سعودی وفد کےساتھ سولراورونڈ منصوبوں میں سرمایہ کاری کے مواقعوں پر بات ہوگی۔

ذرائع کے مطابق وفد میں سعودی عرب کی کاروباری، تجارتی اور سرمایہ کارشخصیات شامل ہیں، زراعت، ٹیلی کمیونیکیشن اور تعمیرات سمیت دیگر کمپنیوں کے سربراہان وفد میں شامل ہوں گے۔

دیکھتے رہیے، صرف بول نیوز