بھارتی ریاست کرناٹکا حکومت کا کہنا ہے کہ جنوری کے آخر میں کوویڈ 19 میں شدت آسکتی ہے اس کے باوجود لاک ڈاؤن کے امکان کو یکسر مسترد کرتے ہیں۔ حکومت جمعہ کو کرفیو سے متعلق فیصلہ لینے کے لیے اجلاس کرے گی۔
تفصیلات کے مطابق بھارتی ریاست کرناٹک کے وزیر ریوینیو آراشوکا نے کہا ہے کہ حکومت نے کورونا کیسز میں اضافے کے باوجود لاک ڈاؤن نافذ نہ کرنے کا فیصلہ کیا ہے۔
پیر کو ہونے والے کورونا سے متعلق اجلاس میں شرکت کے بعد حکومتی عہدیدار آر اشوکا نے مقامی میڈیا سے گفتگو کرتے ہوئے کہا کہ ماہرین نے دہلی اور مہاراشٹر کے کورونا کیسز کے رجحان کا موازنہ کیا ہے، جہاں حالیہ دنوں میں کیسز کی تعداد کم ہو رہی ہے۔ ان کے مطابق، کرناٹکا میں جنوری کے آخری ہفتے میں کورونا کیسز کی شرح بڑھ سکتی ہے۔
ان کا مزید کہنا تھا کہ حکومت ہفتے کے آخر میں ریاست میں کرفیو سے متعلق ایک اہم اجلاس کا انعقاد کرے گی۔
دریں اثنا، وزیر اعلیٰ بومئی بساوراج نے مقامی عہدیداروں کو حکم دیا ہے کہ وہ بنگلورو شہر کے ہسپتالوں میں تعینات اہلکاروں کی تعداد میں اضافہ کردیں۔
انھوں نے محکمہ صحت کے حکام کو مقامی ڈاکٹروں سے مشاورت کر کے دیہی علاقوں میں متاثرہ بچوں کے لئے ترجیحی بنیادوں پر کام کرنے کا بھی حکم دیا ہے۔
علاوہ ازیں صحت عامہ سے متعلق اقدامات کا حکم دیتے ہوئے ان کا کہنا تھا کہ آکسیجن پلانٹس کو کسی بھی ہنگامی صورتحال سے نمٹنے کے لیے تیار رکھا جائے۔
یاد رہے کہ کرناٹک میں پیر کو 27,156 تازہ کوویڈ کیسز اور 14 اموات کی اطلاع ملی ہے۔ مثبت کیسز کی شرح میں بھی بتدریج اضافہ دیکھنے میں آیا ہے۔جنوبی ریاست میں اب تک مجموعی طور پر اومیکرون ویرئینٹ کے 766 نئے کیسز کی تشخیص ہوئی ہے۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News