بائرن میونخ فٹ بال کلب کے ڈیفینڈر الفانسو ڈیویزکو دل کی خرابی کی علامات ظاہر ہونے پر ٹریننگ سیشن سے روک دیا گیا ہے۔

کینیڈا سے تعلق رکھنے والے 21 سالہ الفانسو ڈیویز کو پریکٹس سیشن پر چند دن ہی ہوئے ہیں ، انہیں 17 دسمبر کو کورونا کا ٹیسٹ بھی مثبت آیا تھا۔

بائرن میونخ کے باس جولیان نے کہا کہ الفانسو کی یہ بیماری ٹریننگ سیشن کے دوران ظاہر ہوئی جب انہوں نے اپنی طبیعت میں بدلاؤ سے آگاہ کیا۔

جولیان نے کہا کہ الفانسو کو کلب کے طبی ماہرین کی ٹیم چیک کیا تو معلوم ہوا کہ انہیں دل کی تکلیف ہے۔ جس کے بعد ان کو ٹریننگ سیشن سے روک دیا گیا ہے۔

طبی ماہرین کے مطابق الفانسو کے دل کے مسلز خراب ہو رہے ہیں ، یہ مسلز دل کو خون پمپ کرنے میں مدد فراہم کرتے ہیں۔

ڈیفینڈر الفانسو ڈیویز نے بائرن میونخ کے لئے 2018 سے ابھی تک 107 میچز میں حصہ لیا ہے ، بائرن میونخ نے ڈیفینڈر کی مدد سے 3 بنڈیس لیگا ٹائٹلز اور 2020 میں چمپئینز لیگ جیتنے میں اہم کردار ادا کیا تھا۔

طبی ماہرین کا کہنا ہے الفانسو کی بیماری زیادہ خطرناک نہیں ہے بعض کیسز میں کافی ٹائم لگ جاتا ہے ، لیکن امید ہے کہ الفانسو دل کے مسلز کو بہتر بنانے میں کامیاب ہو جائیں گے۔