پشاور میں کورونا اور اومیکرون کیسز کی تعداد میں اضافہ کے باعث 8 علاقوں میں اسمارٹ لاک ڈاؤن نافذ کردیا گیا ہے
ذرائع کے مطابق گزشتہ روز ضلعی انتظامیہ کی جانب سے مختلف علاقوں میں اسمارٹ لاک ڈاؤن نافذ کرنے کا نوٹی فکیشن بھی جاری کر دیا گیا ہے۔
پشاورمیں انڈور ڈائننگ پر بھی پابندی عائد
پشاورمیں کورونا مثبت کیسزکی شرح 10 فیصد سے تجاوز کرگئی ہے۔
صوبائی محکمہ داخلہ و قبائلی امور نے گزشتہ روز کمشنر اور ڈپٹی کمشنرپشاورکو پابندیوں پر فوری عملدرآمد کا مراسلہ ارسال کر دیا ہے۔
مراسلے میں کہا گیا کہ آؤٹ ڈورتقریبات میں 300 فل ویکسینٹیڈ افراد تک کی اجازت ہو گی ، 24 جنوری سے انڈورڈائننگ پر بھی پابندی ہوگی ، کھانا ساتھ لےجانے اورہوم ڈیلیوری سروس کی اجازت ہوگی۔
ارسال کیے گئے مراسلے کے مطابق پبلک ٹرانسپورٹ میں 70 فیصد سے زیادہ سواریوں کی اجازت نہیں ہو گی ، ویکسی نشن اور ایس او پیز پر عمل درآمد یقینی بنایا جائیگا ، تفریحی پارکس میں ویکسینٹیڈ50 فیصد سےزیادہ افرادکی اجازت نہیں ہو گی۔
خط میں کہا گیا کہ واٹراسپورٹس،سوئمنگ پول میں بھی ویکسینٹیڈ50 فیصد سے زیادہ کی اجازت نہیں ہو گی ، کراٹے،باکسنگ،رگبی،مارشل آرٹ،واٹرپولو،کبڈی ،ریسلنگ پرمکمل پابندی ہو گی جبکہ انڈورجیم میں بھی 50 فیصد فل ویکسینٹیڈ افراد سے زیادہ کی اجازت نہیں ہوگی۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News