صوبائی وزیر قانون محمد بشارت راجہ نے کہا ہے کہ ہمیشہ کی طرح اس بار بھی پنجاب حکومت پی ایس ایل ایونٹ کے لیے فُول پروف سیکورٹی فراہم کرے گی۔

محمد بشارت راجہ کی زیرِ صدارت کی کابینہ کمیٹی برائے لاء اینڈ آڈر کا اجلاس ہوا جس میں آئی جی پنجاب، ایڈیشنل چیف سیکرٹری ہوم، ایڈیشنل آئی جی اسپیشل برانچ ، ایڈیشنل آئی جی سی ٹی ڈی، جوائنٹ ڈی جی آئی بی، سی سی پی او لاہور اور اس کے علاوہ رینجرز اور آئی ایس آئی کے نمائندوں نے بھی موجود تھے۔

اجلاس میں چیئرمین پی سی بی رمیز راجہ نے بھی ویڈیو لنک کے ذریعے شرکت کی، اجلاس میں پی ایس ایل کے میچز کے حوالے سے سیکیورٹی پلان پر مشاورت کی گئی۔

چیئرمین پی سی بی نے انٹرنیشنل کھلاڑیوں کی آمد کے حوالے سے سیکیورٹی اور انتظامی امور پر بریفنگ دی، راجہ بشارت کا کہنا تھا کہ ہمیشہ کی طرح اس بار بھی پنجاب حکومت پی ایس ایل ایونٹ کے لیے فُول پروف سیکورٹی فراہم کرے گی۔

اجلاس میں مری کی تازہ صورتحال پر بھی وزیر قانون راجہ بشارت نے بریفنگ لی، اجلاس میں عوام کے جان و مال کے تخفظ کو یقینی بنانے کے لیے نئے تھانوں کی بھی منظوری دی گئی، مری میں نئے تھانوں میں تھانہ پتریاٹہ، اور تھانہ بھگیاری کی منظوری دی گئی جبکہ روالپنڈی میں تھانہ صدر بیرونی کو تقسیم کر کے تھانہ دھمیال بنانے کی منظوری دی۔

اجلاس میں رحیم یار خان میں پیش آنے واقعے کی اب تک پیش رفت پر بریفنگ لی، اجلاس میں پولیس کی فنانشل اسسٹنٹ کے لیے فنڈز کی ڈیمانڈ کابینہ کو ارسال کرنے کی منظوری دی گئی جبکہ این اے 133 کے ضمنی انتحابات میں انتظامی خرچ کی مد میں 5 ملین کے فنڈز کی بھی منظوری دی گئی۔