وزیراعظم نے کہا ہے کہ پاکستان اور سری لنکا کے درمیان مضبوط برادرانہ تعلقات ہیں۔

وزیراعظم عمران خان سے سری لنکا کے وزیر تجارت کی ملاقات ہوئی جس میں وزیراعظم نے دوطرفہ تعاون کو مضبوط بنانے کے لیے باقاعدہ اعلیٰ سطحی تبادلوں کی اہمیت پر زور دیا۔

ملاقات میں وزیراعظم نے پاکستان کے بدھ مت ثقافتی ورثے پر آنے والے وفد کی توجہ دلائی جبکہ وزیر اعظم نے ڈاکٹر گناوردھنا کے تجارتی وفد کے ساتھ پاکستان کے دورے کے اقدام کو بھی سراہا۔

اس موقع پر سری لنکا کے وزیر تجارت ڈاکٹر بندولا گنا وردھنے نے سری لنکا کے تئیں گرم جوشی اور خیر سگالی کا اظہار کرنے پر وزیر اعظم کا شکریہ ادا کیا جبکہ سری لنکن وزیر نے پاکستان کے ساتھ تجارت، آئی سی ٹی، فارماسیوٹیکل، معدنیات، ٹیکسٹائل، تعلیم، دفاع میں تعاون بڑھانے کا بھی عزم کیا۔

سری لنکا کے وزیر تجارت نے سیاحت، انسانی وسائل کی ترقی کے مختلف شعبوں میں رابطوں، مشترکہ منصوبوں، اعلیٰ صلاحیتوں کے شعبوں میں سرمایہ کاری اور ٹیکنالوجی کی منتقلی وغیرہ میں پاکستان کے ساتھ تعاون کو وسعت دینے کی خواہش کا بھی اظہار کیا۔

  ملاقات میں وزیراعظم عمران خان نے کہا کہ دونوں ممالک کے درمیان مضبوط برادرانہ تعلقات ہیں، امید ہے مزید سری لنکن مذہبی سیاحت کے لیے ملک آئیں گے۔

وزیراعظم عمران خان نے مزید کہا کہ پاکستان سری لنکا ایف ٹی اے کے زیادہ سے زیادہ استعمال کے ذریعے دو طرفہ تجارتی تعلقات کو بڑھانے کے لیے بھی تمام کوششیں کی جانی چاہئیں۔